Ibyo wamenya kuri Ballon d’Or iratangwa mu ijoro ryo kuri uyu wa mbere

Kuri uyu wa mbere tariki ya 29 Ugushyingo 2021,kuri Theatre du Chatelet i Paris harahurira ibyamamare bitandukanye mu mupira w’amaguru birahurira mu birori byo gutanga igihembo cya Ballon d’or 2021 mu mupira wamaguru w’abagabo n’abagore.

Irushanwa ry’uwegukana igihembo cy’umukinnyi witwaye neza mu bagabo mu 2021 riri hagati ya Lionel Messi na Robert Lewandowski, hamwe na Karim Benzema wa gatatu.

Messi aramutse atsinze, araba yegukanye igihembo cye cya karindwi cya Ballon d’or, yanikire Cristiano Ronaldo ufite bitanu.

Ballon d’Or nicyo gihembo gikomeye kurusha ibindi mu bihabwa umukinnyi ku giti cye mu mupira w’amaguru ku isi.

Ballon d’or itangwa n’ikinyamakuru France Football umwaka ushize ntiyatanzwe kubera icyorezo cya Covid-19, uyu munsi mu bakinnyi 30 barimo Lionel Messi wegukanye icya 2019 haratoranywamo ucyegukana.

Ibigenderwaho kugira ngo utsindire Ballon d’or harimo Urwego rw’imikinire rwagaragajwe n’umukinnyi mu mwaka w’imikino by’umwihariko ibyo yagezeho mu mibare nk’ibitego byatsinzwe, imipira yavuyemo ibitego yatanze, imikinire ye mu ikipe ndetse nuko yayoboye ikipe.

Ibikombe byatwawe n’umukinnyi nabyo birazirikanwa, ndetse n’agaciro k’ibikombe byatwawe.Igikombe cya Copa America yahesheje Argentine,kiri mu bituma Messi ahabawa amahirwe menshi yo kwegukana iki gihembo muri uyu mwaka, mu gihe harebwa kandi isura y’abakinnyi mu kibuga no hanze yacyo.

Mu gutora,Ikinyamakuru cyo mu Bufaransa France Football kibanza guhitamo abakandida 30 bahatanira igihembo hanyuma bigakurikirwa n’amatora y’abanyamakuru 180 batoranijwe, bahitamo abakinnyi batanu muri buri tsinda.

Abanyamakuru 50 b’inzobere noneho batora umukinnyi mwiza ku isi bakoresheje uburyo bw’amajwi baha buri mukinnyi harimo amanota atandatu, ane, atatu, abiri cyangwa rimwe.

Abakinnyi 30 baravamo umwe ni:

• Cesar Azpilicueta (Chelsea)
• Nicolo Barella (Inter Milan)
• Karim Benzema (Real Madrid)
• Leonardo Bonucci (Juventus)
• Kevin De Bruyne (Manchester City)
• Giorgio Chiellini (Juventus)
• Cristiano Ronaldo (Manchester United)
• Ruben Dias (Manchester City)
• Gianluigi Donnarumma (Paris Saint-Germain)
• Bruno Fernandes (Manchester United)
• Phil Foden (Manchester City)
• Erling Haaland (Borussia Dortmund)
• Jorginho (Chelsea)
• Harry Kane (Tottenham)
• N’Golo Kante (Chelsea)
• Simon Kjaer (AC Milan)
• Robert Lewandowski (Bayern Munich)
• Romelu Lukaku (Chelsea)
• Riyad Mahrez (Manchester City)
• Lautaro Martinez (Inter Milan)
• Kylian Mbappe (Paris Saint-Germain)
• Lionel Messi (Paris Saint-Germain)
• Luka Modric (Real Madrid)
• Gerard Moreno (Villarreal)
• Mason Mount (Chelsea)
• Neymar (Paris Saint-Germain)
• Pedri (Barcelona)
• Mohamed Salah (Liverpool)
• Raheem Sterling (Manchester City)
• Luis Suarez (Atletico Madrid)