Ibihugu 15 bizahanganira n’Amavubi muri CHAN 2020 byamenyekanye

Kuri iki cyumweru ni bwo hasojwe imikino y’amajonjora yo gushaka itike y’igikombe cya Afurika cy’abakina muri za shampiyona z’iwabo kizabera muri Cameroon, isiga ibihugu 16 bizakina iyi mikino bimenyekanye.

Ni ibihugu birimo n’u Rwanda rwabigezeho nyuma yo gusezerera Ethiopia ku giteranyo cy’ibitego 2-1.

Nko muri Zone ya Afurika y’Amajyepfo, kuri iki cyumweru Lesotho na Zimbabwe baguye miswi 0-0, ariko Zimbabwe aba ari yo ikomeza kuko mu mukino ubanza yari yaratsinze ibitego 3-1.

Mu Burengerazuba bwa Afurika, Cote d’Ivoire yatsinze Niger igitego 1-0, gusa nticyagira icyo kiyifasha kuko umukino ubanza yari yaratsinzwe ibitego 2-0.

Ibi bihugu kandi birimo Maroc ifite igikombe cy’irushanwa riheruka. Iyi Maroc yabonye itike nyuma yo gusezerera Algeria ku giteranyo cy’ibitego 3-0.

Byinshi bijyanye n’uko imikino ya nyuma y’amajonjora yagenze biteye gutya.

Imikino yabaye ku cyumweru ku wa 20 Ukwakira.

Lesotho 0 -0  Zimbabwe

Ivory Coast 1 – 0 Niger (0-2)

DR Congo 4 – 1 Central African Republic (2-0)
Congo 1 – 0 Equatorial Guinea (2-2)

Libya 1 – 2 Tunisia (0-1)

Mali 2 – 0 Mauritania ( 0-0)

Guinea 1 – 0 Senegal (0-1) (3-1 tab)

Burkina Faso 0 – 0 Ghana (1-0)

Imikino yabaye ku wa gatandatu.

Zambia 2-2 Eswatini (1-0)

Uganda 3-0 Burundi (3-0)

Rwanda 1-1 Ethiopia (1-0)

Namibia 2-0 Madagascar (0-1)

Nigeria 2-0 Togo (1-4)

Morocco 3 – 0 Algeria (0-0)

Ibihugu 16 bizakina CHAN 2020.