Huye: Ibikombe n’ imidari by’Amarushanwa Kagame Cup mu Ntara y’ Amajyepfo byabonye ba nyirabyo

Ku Kibuga Mpuzamahanga cya Huye none kuri uyu wa Gatanu tariki ya 12 Gicurasi 2023, Intara y’ Amajyepfo yashoje amarushanwa ya Kagame Cup maze itanga ibikombe n’ imidari ku makipe yatsinze .

Iki gikorwa cyo gusoza irishanwa Kagame Cup mu Ntara y’ Amajyepfo ryitabiriwe na Guverineri w’ Intara y’ Amajyepfo Alice Kayitesi, Mayor w’ Akarere ka Huye Ange Sebutege, Mayor w’ Akarere ka Gisagara Rutaburingoga Jerome n’ abandi bayobozi b’ Uturere tugize Intara y’ Amajyepfo

Muri aya marushanwa ya Kagame Cup yashojwe no gutanga ibikombe ku makipe abiri yageze ku mukino wa nyuma w’ Intara maze akanatsindira igikombe ariyo Ikipe y’ Umurenge wa Kigoma mu Karere ka Huye yatsinze ikipe y’Umurenge wa Mukindo mu Karere ka Gisagara mu kiciro cy’ abagore penaliti 3 kuri 2 n’ ikipe y’Umurenge wa Nyanza ibarizwa mu Karere ka Gisagara yatsinze Ikipe y’ Umurenge wa  Muhanga kuri penaliti 4 kuri 3.

Mbere y’ uko iyi mikino y’ umupira w’ amaguru itangira habanje kuba imikino ngororamubiri izwi ku izina rya Athletism muri aya marushanwa Akarere ka Nyaruguru kahagarariwe n’abakinnyi 42 bariko abakobwa n’ abahungu maze muri bo 5 batwara imidari ya Zahabu mu byiciro bitandukanye.

Abahawe imidari ya zahabu bakomoka mu Karere ka Nyaruguru ni MUKANDAYISENGA Venantie, NDIKUMANA Moise, MUSABYIMANA Rose, NYAMUGORE Jeannette na NIRAGIRE Jeannette

Ikipe y’ Umurenge wa Nyanza yo muri Gisagara ihabwa igikombe mu bagabo

Ikipe y’Umurenge wa Kigoma niyo yatwaye igikombe mu bakobwa 

Athletism Nyaruguru yihariye imidari

Ikipe y’ Abakobwa ya Mukindo

Ikipe y’ Abahungu ya Muhanga

Ikipe y’ abahungu b’ Umurenge wa Nyanza nibo batwaye igikombe