Humble Jizzo yashyize hanze italiki y’ubukwe bwe

Manzi James  uzwi cyane nka Humble Jizzo mu itsinda rya Urban Boys nyuma yo gusubika ubukwe bwe inshuro nyinshi kyri ubu yashyize hanze italiki azasezeraniraho n’umukunzi we  Amy Blauman banabyaranye umwana umwe.

Kuri ubu Humble Jizzo yasohoye ubutumire buteguza inshuti ze  n’umuryango ko gahunda yari yarasubitse igiye gusubukura, ashyira hanze italiki ubukwe bwe gusa nkuko bigaragara kuri iyi ubu butumire benshi basigaye bita  ngo ni “Save the Date” handitse ho ko  ubutumire nyabwo  nabwo burasohoka vuba.

Humble Jizzo n’umukunzi we ukomoka muri Leta Zunze Ubumwe za Amerika, bamaze imyaka itatu bakundana. Barateganya gukora ubukwe ku wa 24 Ugushyingo 2018 andi makuru atugeraho avuga ko ubu bukwe bushobora kuzabera hanze ya Kigali.

Mu Ukuboza 2017 uyu muhanzi yari afite ubukwe n’uyu munyamerikakazi ariko burasubikwa kuko  yari akuriwe, ndetse bahita bajyana iwabo aba ari naho abyarira imfura  yabo bise  ‘Manzi Ariella Michelle Blauman’. kuri ubu imaze kuzuza amezi arindwi.