Hemejwe ko umuherwe wa Liester City yaguye mu mpanuka y’Indege
Nyuma y’amakuru yatangajwe avuga ko indege y’umuherwe w’ikipe yo mu bwongeleza Liester City yakoze impanuka hacybazwa niba uyu muherwe yaba atayipfiriyemo, hatangajwe amakuru yemeza ko nawe yaguye muri iyi mpanuka.
Iyi ndege y’umuherwe wa Leicester City, uzwi ku izina rya Vichai Srivaddhanaprabha, yaturikiye hafi ya stade y’iyi kipe. Hatangajwe ko uyu mugabo w’umunya-Thailand yaguye muri iyi mpanuka hamwe nabandi bantu bane bari bayirimo.
Iyi mpanuka yabaye kuwa Gatandatu taliki ya 27 Ukwakira 2018, nyuma yaho Leicester City yarimaze kunganya na West Ham United 1-1 mu mukino w’umunsi wa 10 wa shampiyona y’u Bwongereza.
Nyuma y’isaha imwe uyu mukino urangiye habaye impanuka y’indege y’umuherwe wa Leicester City, Vichai Srivaddhanaprabha, hanze ya King Power Stadium ariko hashira amasaha 27 ntawe uramenya niba uyu muherwe ari mu bayiguyemo.
Mu ijoro ryo kuri iki Cyumweru iyi kipe ibinyujije ku mbuga nkoranyambaga zayo yemeje ko ibabajwe no kuba Vichai Srivaddhanaprabha ari mu bantu batanu bapfiriye muri iyi ndege yahiye.
Iti “Tubabajwe cyane no kwemeza ko umuyobozi wacu Vichai Srivaddhanaprabha ari mu bantu babuze ubuzima mu ijoro ryo ku wa Gatandatu ubwo indege yamuvanaga kuri stade, we n’abandi bantu bane yakoraga impanuka hanze ya King Power Stadium. Mu bantu batanu bari muri iyi ndege ntawarokotse.”
Ibi byago byatumye ubuyobozi bw’iyi kipe busubika imikino Liester City yagombaga gukina muri iki cyumweru, harimo uwagombaga kuyihuza na Southampton mu gikombe cy’igihugu mu bakuru na Feyenoord R otterdam muri UEFA Champions League y’abana ku wa Gatatu tariki 31 Ukwakira 2018.
Uyu muherwe w’umunta-Thailand Srivaddhanaprabha yegukanye iyi kipe ayiguze miliyoni 57 z’amadolari ya Amerika mu 2010 icyo gihe Liester City yariri mu cyiciro cya II, nyuma y’imyaka ine izamuka mu cya mbere, ari nabwo yatunguranye igahita yegukana igikombe cya shampiyona y’u Bwongereza ya 2014-15.
Uyu muherwe yari uwa 388 ku rutonde rw’abafite ifaranga rukorwa na Forbes Magazine. Kugeza ubu yari umuherwe ufite umutungo ungana na miliyari 4.9 z’amadolari ya Amerika.
