Haruna Niyonzima yafatiye umwanzuro ukomeye ikipe ya Simba SC
Kapiteni w’ikipe y’igihugu cy’u Rwanda Amavubi akaba n’umukinnyi wo hagati mu ikipe ya Simba SC , Haruna Niyonzima yafashe icyemezo cyatunguye abafana ba Simba aho yavuze ko yihaye imikino itanu muri iyi ikipe ubundi akareba niba yakomezanya nayo.
Ibi Haruna Niyonzima yabivuze nyuma yaho atangiye kubona ko atagihabwa umwanya ubanzamo muri iyi kipe iri muzikunzwe cyane muri Tanzania. Haruna abona ko we atari umukinnyi wo kwizazwa kugatebe kandi abona agishoboye.
Igikomeje gusembura uyu Haruna ni ukubona Shampiyona ya Tanzania imaze gukinwa imikino 5 ariko ntarakina umukino n’umwe muri yo yewe nta n’ubwo aragaragara muri 18 iyi kipe iba yitwaje mu mukino wa shampiyona.
Uyu mukinnyi wubatse izina rikomeye muri shampiyonaya Tanzania , hari abavuga ko ashobora gusubira muri Yanga aherutse kuvamo yinjira muri Simba nubwo we atigeze agira icyo atangaza aho azahita yerekeza.
Haruna bisa naho atahiriwe n’iyi kipe kuko akimara kuyigeramo yamaze umwaka wose adakina kubera ikibazo cy’imvune yahise agira akigera muri iyi kipe.
