Harry Kane yakoze ubukwe n’inshuti bamenyaniye ku ntebe y’ishuri(+AMAFOTO)

Rutahizamu w’umwongereza Harry Kane w’imyaka 25 y’amavuko yakoze ubukwe  n’inshuti ye yo mu bwana yitwa Katie Goodland mu ubukwe bwabaye mu ibanga rikomeye.

“Amaherezo, nakoze ubukwe n’inshuti yanjye” Ni amagambo yatangajwe na Harry Kane mu butumwa yanditse kumbuga nkoranyambaga bukirikijwe n’amafoto ye n’umugore bari mubyishimo bikomeye bishimira ubukwe bwabo.

Hari kandi indi foto igaragaza Harry Kane asoma umukunzi we mu gahanga washyize ibiganza bye mu bituza bya Harry Kane anagaragaza impeta yamwambitse.

Uyu mukinnyi yifurijwe urugo rwiza n’abarimo Jamie Redknapp, John Terry n’abandi. Daily Mail yanditse ko aho ubukwe bw’aba bombi bwabereye hakomeje kugirwa ibanga. 

Kane usanzwe ari kapiteni w’ikipe y’igihugu y’u Bwongereza, bivugwa ko ubukwe bwabo bwaba bwarabaye  ku wa 19 Kamena 2019, gusa amafoto yabwo Harry Kane yayashyize ahagaragara ku wa 21 Kamena 2019.

Harry Kane aheruka gusaba uyu mukobwa banabyaranye ko yamubera umugore w’isezerano muri Nyakanga 2017, nibwo Harry Kane yateye ivi yambika impeta umukunzi we. Aba bombi bafitanye abana babiri Vivienne Jane na Ivy Jane.