Hari ubwoba bwinshi bw’uko rutahizamu Emiliano Sala yaba yitabye Imana
Kuva ku munsi w’ejo inzego zikora ubutabazi zikomeje gushakisha indege yaburiwe irengero itwaye rutahizamu Salah Emiliano ukomoka muri Argentina wari uherutse kugurwa na Cardiff City yo mu Bwongereza.
Indege yari itwaye uyu musore bikekwa ko yaba yaraburiwe irengero igeze ku kirwa cya Guernsey kigabanya igihugu cy’u Bufaransa n’icy’u Bwongereza.
Amakuru atandukanye agaragara mu binyamakuru by’i Burayi avuga ko Sala yaba yarapfiriye muri iyi ndege yerekeza i Cardiff kugira ngo atangire gukinira Cardiff City yari iherutse kumugura muri Nantes yo mu Bufaransa kuri miliyoni 14 z’ama-pounds.
Impungenge z’uko Emiliano Sala yaba yitabye Imana zabanye nyinshi nyuma y’ubutumwa buteye agahinda yoherereje incuti ze abinyujije kuri WhatsApp agaragaza ibyamubayeho.
Ubu butumwa bugira buti”Mumeze mute nshuti, biragenda? Niba nta makuru yanjye yandi mufite nko mu saha n’igice ishize sinzi niba hakenewe umuntu wo kuza kundeba…Ndumva mfite ubwoba.”
Sala Kandi yoherereje ubutumwa bwenda gusa nk’ubu abavandimwe be abamenyesha ko indege imutwaye Isa nk’igiye gusandara.
Igikorwa cyo gushakisha Sala wari kumwe n’umu-pilot we cyatangiye kuri uyu wa kabiri, gusa ntibiremezwa niba aba bantu bombi bari muri iriya ndege yaburiwe irengero.
