Hagati ya Israel n’umutwe wa Hamas byabaye amazi y’ibisusa, Netanyahu yariye karungu

Minisitiri w’Intebe wa Israel yavuze ko Israel ’’izagera hose Hamas yihishe’’ hanyuma abwira ’’abantu bo muri Gaza kuva muri ibyo bice’’.

Abantu nibura 250 bishwe abandi 1,452 barakomereka muri Israelinyuma y’igitero gikomeye cy’intagondwa zinjiye muri Israel zivuye muri Gaza zirasa ibisasu biremereye bya rokete.Abantu 18 bamerewe nabi cyane, bandi 267 bivugwa ko bababaye bikomeye.

Amakuru avuga ko Abanya-Israel benshi, barimo abasirikare n’abasivile bajyanwe muri Gaza nk’imbohe.

Netanyahu yavuze ko Hamas ari yo ibazwa ubuzima bw’abagizwe imbohe avuga ko ’’Israel izihorera k’uwo ariwe wese wabagirira nabi’’.

Israel yasubije mu kugaba ibitero by’indege ku hantu hatandukanye ho muri Gaza, yica abantu 232 ikomeretsa abandi 1,790 nkuko abakozi bo kwa muganga babivuga.

Hamas yavuze ko yarashe roketi 150 ku mujyi wa Tel Aviv wo muri Israel ku wa gatandatu ku mugoroba, mu kwihorera ku gitero cy’indege cya Isael cyasenye inyubako y’igorofa ndende muri Gaza City.

Inyubako yo kubamo yarasenyutse hanyuma abantu babiri bakomeretse bavamwa mu bikuta byaguye, nk’uko bivugwa n’ibinyamakuru byo muri Israel bisubiramo ibyavuzwe n’urwego rwo gutabara.

Minisitiri w’Intebe wa Israel yavuze ko ibyabaye ku wa gatandatu bitigeze biboneka muri Israel, kandi ko Israel ’’izihorera bikomeye kuri uyu munsi mubi’’,nkuko Reuters ibivuga.

Umukuru wa Leta Zunze Ubumwe za Amerika yavuze ijambo rigufi ko ’’Israel ifite uburenganzira bwo kwivuna no kurwanira abaturage bayo’’.

Biden yongeye gushimangira gushyigikira Israel, avuga ko ’’gukomeye nk’urutare kandi gukomeye’’.

’’Iki si igihe ku waba adakunda Israel cyo gufata ibyabaye ngo abyungukiremo,’’ nk’uko yavuze. ’’Isi iri maso’’.

Biden yavuze ko ’’Jill [umugore we] nanjye tubabajwe n’abantu bose babuze ababo.’’

BBC