Guinea: Uwahoze ari perezida wari watorotse gereza bongeye kumukacira

Capt. Moussa Dadis Camara, wahiritswe ku butegetsi muri Guinée mu 2008, agatoroka gereza yari afungiyemo mu mpera z’icyumweru gishize, yongeye gufatwa arafungwa.

Yari yatokorokeshejwe mu gitondo cyo ku wa Gatandatu tariki ya 4 Ugushyingo 2023, aho i Conakry haramutse humvikana amasasu menshi.

Abarwanyi bitwaje imbunda bateye gereza nkuru yo mu murwa mukuru wa Guinea, Conakry, batorokesha uyu wahoze Ari perezida Moussa “Dadis” Camara.

Minisitiri w’ubutabera wa Gineya, Charles Alphonse Wright, yahise atangaza ko hafunzwe imipaka y’igihugu yose kugira ngo Camara adahunga iki igihugu Kiri mu burengerazuba bwa Africa

Uwo munsi imodoka za gisirikare ndetse n’Ingabo zibarizwa mu mutwe ushinzwe kurwana aho rukomeye, zagaragaye mu mihanda ndetse urusaku rw’amasasu rwumvikanye hafi y’agace gakoreramo inzego za leta ahitwa Kaloum.

Umunyamategeko we yabwiye BBC ko yavanywe muri Gereza atabishaka kandi ko adashobora kugerageza gutoroka kuko yizeye ko ubutabera bwa Guinée buzakora akazi kabwo.

Ureste Moussa Camara, abandi batorokanye bamaze gufatwa.

Guinea: Inyeshyamba zirwana aho rukomeye zateye gereza zitorokesha uwahoze ari Perezida

Barimo Claude Pivi wari Minisitiri w’Umutekano ku ngoma ya Dadis Camara; Blaise Goumou na Moussa Thiégboro.

Abo bose bafunzwe bashinjwa ubwicanyi bwabaye mu gihugu ku wa 28 Nzeri 2009 bwaguyemo abantu 157.

Capt. Moussa Camara akurikiranyweho kuba ari we watanze itegeko ku basirikare bagize uruhare muri ubwo bwicanyi.

Col Moussa Dadis Camara yahise ayobora igihugu kuva ku wa 24 Ukuboza 2008 kugeza ku wa 15 Mutarama 2010.

Uyu mugabo w’imyaka 59 yaje guhunga ajya muri Burkina Faso kubera ibirego yashinjwaga, mbere y’uko agaruka mu gihugu ngo agashyikirizwa inzego z’ubutabera.

Uyu mugabo kimwe na bagenzi be bahakana ibyo bashinjwa bivuye inyuma.

Ku ya 27 Nzeri 2022, Moussa Dadis Camara nibwo yafunzwe.