Gicumbi FC yabonye aho izajya yakirira imikino ya shampiyona
Gicumbi FC yari yarabwiwe na FERWAFA ko ikibuga cyayo kitemerewe gukinirwaho imikino ya shampiyona, imikino yayo izajya iyakirira kuri Stade Mumena iri mu mujyi wa Kigali.
Ubuyobozi bw’ ikipe ya Gicumbi ntacyo bwagombaga gukora uretse gushaka aho buzakirira imikino ,dore ko habura iminsi mike ngo Shampiona itangire .
Ubuyobozi bw’ ikipe ya Gicumbi FC bwumvikanye n’ikigo cya Saint Andre gifite stade Mumena mu nshingano kuzajya bakirira ku kibuga cyayo.
Biteganyijwe ko umukino wa 1 wa Shampiona ikipe ya Gicumbi FC izerekeza i Rubavu aho ifitanye umukino na Marine FC kuri Stade Umuganda tariki ya 06/10/2019 saa 15H00.
Gicumbi FC ikomeje gukora imyitozo mu rwego rwo kwitegura Shampiona.
