FERWAFA: Komisiyo y’amatora yatangaje ko nta mfabusa zahabaye, dore igihe amatora azabera

Mu kiganiro Komisiyo y’amatora yagiranye n’Abanyamakuru kuri uyu wa gatanu tariki ya 9 Ukuboza 2018, mu gikorwa kibimburira ibindi ku ngengabihe y’amatora ya Komite nyobozi ya FERWAFA na Perezida wayo  muri ayo matora  ateganyijwe kuwa 31 Werurwe 2018, abagize iyi komisiyo y’amatora batangaje ko nta mfabusa zabonetse mu matora nkuko Rwemalika Felecite yagiye kujurira muri FIFA abyitwaza.

Ibi byabaye nyuma y’amatora yo kuwa 30 Ukuboza 2017, hatangajwe ko Rwemarika Felicite yatsinzwe n’imfabusa, ndetse ajurira muri FIFA na yo yandikira Komisiyo y’amatora ya FERWAFA isaba ko ikibazo cye cyakemurwa, ariko ngo uyu mukandida ntiyigeze ajurira mu buryo bwemewe n’amategeko uretse ko ngo nta n’imfabusa yabonetse muri ayo matora kandi ngo nta bujurire bwa Felecite babonye.

Uretse gutangaza ibi , Komisiyo y’amatora iyobowe na Kalisa Adolphe yatangaje ingengabihe y’uko amatora azakorwa.

Biteganyijwe ko aka kanama kazatangira  ubusabe bwabifuza kwiyamamariza kuyobora iri shyirahamwe tariki ya 19 kugeza 23 Gashyantare 2018.

Dore gahunda yose uko iteye

Tariki ya 19 kugeza 23 Gashyantare 2018 ni ukwakira ubusabe bw’abifuza kwiyamamariza kuba perezida wa FERWAFA

Tariki ya 28 Gahsyantare kugeza 2 Werurwe 2018 kwiga ku madosiye

Tariki ya 8 Werurwe 2018 kwakira ibyemezo bivuye muri komisiyo y’ubujrire

Tariki ya 9 Werurwe 2018 ikiganiro n’itangazamamkuru no gutanga urutonde ntakuka

Tariki ya 12 kugeza 23 Werurwe 2018 kwiyamamaza ku bakandida

Tariki ya 31 Werurwe 2018  Amatora no gutangaza uwatsinze amatora

Tariki ya 3 Mata 2018 gutanga raporo y’ibyavuye mu matora

Tariki ya 6 Mata 2018 Gushyingura inyandiko z’amatora.