EUFA Champions league: Bayern Munich isezereye Beskitas ikomeza muri ¼
Ikipe ya FC Bayern Munichern ikatishize tike ya ¼cy’irangiza cya EUFA Champions league, nyuma yo gusezerera Istanbul Beskitas iyinyagiye ibitego 8-1 mu mikino yombi.
Ibitego bya Thiago Alcantara ku munota wa 18, icyo Gökhan Gonul yitsinze ku munota wa 46 ndetse n’icya Sandro Wagner ku wa 84 ni byo bifashije ikipe ya Bayern kugera muri ¼ cy’irangiza, bikaba byiyongereye ku bitego 5-0 iyi kipe yari yatsindiye kuri Munich Arena mu mukino ubanza.
Igitego cy’impozamarira ku ruhande rwa Beskitas cyabonetse ku munota wa 59 gitsinzwe na Vagner Love, kikaba ari na cyo gitego cya mbere iyi kipe yo muri Turkia ishoboye kwinjiza muri 1/8 cya Champions League mu mateka yayo.
Uyu mukino kandi usize umutoza wa Bayern Munich Josef Heynckes akoze amateka yo kuba umutoza utsinze imikino 11 yikurikiranya mu mateka ya EUFA Champions league.
Bayern Munichern yiyongereye kuri Real Madrid, Liverpool, Juventus, Manchester City, AS Roma ndetse na FC Seville zamaze kubona tike izigeza muri ¼ cy’irangiza.
Indi kipe imwe igomba kwiyongera muri aya arindwi igomba kuva hagati ya FC Barcelona na Chelsea, aya makipe akaba agiye gusakirana mu mukino w’ishiraniro ugiye gutangira mu kanya I Camp Nou ku kibuga cya FC Barcelona.
