Espanye: Abasifuzi batandatu barahagaritswe, abafana barindwi barafunze
Nyuma y’uko Vinicious Junior akorewe ivangura n’abafana ba Valencia bamwita inkende ku mukino Real Madrid yari yasuyeho ikipe ya Valencia ku Cyumweru tariki 21 Gicurasi 2023 muri uwo mukino ntibyagendekeye neza Real Madrid kuko yatsinzwe na Valence igitego 1-0 ndetse na Vinicious Junior akaza guhabwa ikarita itukura ku munota wa 97 nabyo biturutse ku makosa yakozwe n’abasifuzi.
Amakuru dukesha ikinyamakuru SPORTBIBLE avuga ko Ishyirahamwe ry’umupira w’amaguru wa Espanye rifatanyije na Komite y’Abasifuzi bahagaritse abasifuzi batandatu bo kuri VAR bashinjwa gukorera Vinicious Junior ivangura kuko video beretse umusifuzi wo mu kibuga ubwo Vinicious Junior yahabwaga ikarita itukura itari yuzuye. Nyuma yo kutishimira ibyo yakorewe Vinicius Junior yatangiye gutekereza kuva muri Real Madrid mu isoko ry’igura n’igurisha ryo mu mpeshyi.
Amakuru dukesha CNN avuga ko Police ya Espanye yafunze abantu 7 kuri uyu wa Kabiri bashinjwa ivangura ruhu bakoreye Vinicious Junior. ikomeza ivuga ko mubo yafunze harimo abagabo bane baregwa gutwika ku mugaragaro ifoto ya Vinicious mu gihe abandi batatu bafungiwe ivangura bamukoreye ku mukino Real yari yasuyemo Valencia kuri iki cyumweru.
Kugira ngo bamuhe ikarita itukura byatewe n’uko umusifuzi Ricardo De Burgos Bengoetxea yahaye ikarita y’umuhondo Vinicious n’umunyezamu Giorgi Mamardashvili amaze kugisha inama abasifuzi bo kuri VAR guhirikana no gushaka kurwana biturutse ku mukinnyi wa Valencia wari winjiye mu kibuga asimbura witwa Hugo Duro maze Mamardashvili agahita atangira kuniga mu gihe Vinicious yari asunitse Duro mu maso maze ahita abaha amakarita ariko nyuma umusifuzi yongeye kuvugana nabo kuri VAR agahita ahindura ikemezo agaha Vinicius ikarita itukura ariko Mamardashvili akagumana ikarita y’umuhondo.
