Espagne:Yakorewe ivangura bimugira umutegetsi mu Isi
Mu gihugu cya Espanye ku munsi w’ Ejo tariki ya 15 Kamena 2023, Umuyobozi mukuru w’ Ishyirahamwe ry’ Umupira w’ Amaguru ku Isi Gianni Infantino yagize Vinicious Junior umuyobozi ukuriye akanama kazajya gatanga ibihano ku bantu bagaragaje ivanguraruhu mu mupira w’ Amaguru ku Isi.
Ibyo bibaye nyuma y’ aho Vinicious Junior yakorerwaga ivanguraruhu n’ abafana b’ Ikipe ya Valence mu mukino Real Madrid yari yasuyemo Valence maze abafana bakaza kuririmba amagambo arimo ivangura maze bikamurakaza bikomeye ku buryo yanashakaga guhita asohoka mu kibuga.
Infantino aganira n’ umunyamakuru wa Reteurs yavuze ko yavuganye na Vinicious akamusaba kuyobora itsinda ry’ abakinnyi bashinzwe kurwanya no guhana abantu bakora ivangura mu mupira w’ Amaguru ku Isi.
Yagize ati: Dukeneye kumva abakinnyi ndetse tukanatuma bakorera ahantu heza. Ibyo tugomba kubyitaho cyane. Tugomba gushyiraho ibihano bikakaye kugira ngo duhagarike bihoraho ivangura mu mupira w’ Amaguru. Kandi ntiduteze kuzababarira abazakora ivangura na rimwe bibaho. Nk’ Umuyobozi w’ Ishyirahamwe ry’ Umupira w’ Amaguru ku Isi ibi tugomba kubiganiraho na Vinicious mu buryo bwimbitse.
FIFA yizeye ko hazajyaho ingamba za nyazo zizatuma habaho impinduka mu buryo ibi bibazo bizakemuka atari muri Espanye gusa ahubwo no mu bihugu binyamuryango byayo.
