Enyimba FC yaraye igeze i Kigali . (+AMAFOTO)
Ikipe ya Enyimba FC yo muri Nigeria igomba gucakirana na Rayon Sports mu mukino wa ¼ cy’irangiza cy’imikino ya CAF Confederation Cup 2018 iyi kipe yageze i Kigali ku isaha ya saa tatu z’ijoro.
Enyimba FC yageze i Kigali ku mugoroba wo kuri uyu wa Gatanu tariki 14 Nzeri itari kumwe na kapiteni wayo, Mfon Udoh ukina nka rutahizamu wagiranye ibibazo byo kutumvikana n’ikipe igahitamo kumuhagarika.
Ikechukwu Ezenwa waje ari kapiteni akigera i Kigali yatangaje ko yishimiye kugaruka mu Rwanda ko ari igihugu cyiza ikindi intego yabo ari ugushaka amanota atatu byakwanga bakanganya.
“Nishimiye kugaruka i Kigali. Nari mpari muri CHAN 2016, u Rwanda ni igihugu cyiza , Nta mukino woroha, Rayon Sports ni ikipe nziza turabizi. Kuba kapiteni atari kumwe natwe ntacyo bizaduhungabanyaho. Turi hamwe duhagarariye igihugu cyacu, tuziki icyo uyu mukino uvuze kuri twe”
Umukino wa Rayon Sports FC na Enyimba FC uraba kuri iki cyumweru tariki 16 Nzeli 2018 kuri sitade ya Kigali saa cyenda z’amasaha yo mu Rwanda (15h00’) aho kwinjira ari 3000Frw ahasanzwe, 5000Frw ahatwikiriye ni 30,000 mu myanya y’icyubahiro.
