Eddy Kenzo wahejejwe muri Cote d’Ivoire aratakamba asaba ubufasha
Umuhanzi wo muri Uganda Idrisa Musuusu wamamaye nka Eddy Kenzo yaheze mu gihugu cya Cote d’Ivoire, ubu akaba yatakambye asaba ubufasha nyuma yuko Uganda yemeje umurwayi wa mbere wagaragayeho icyorezo cya COVID-19 kizwi ku izina rya Coronavirus.
Ibi bywtumye perezida wa Uganda Yoweli Kaguta Museveni ashyiraho ingamba zo guhagarika ingendo z’indege no guhagarika ingendo zose z’abinjira n’abasohoka.
Perezida Museveni yahagaritse ingendo zinjira mu gihugu no hanze yacyo kandi akaba yahagaritse ingendo z’indege iyo ari yo yose itwara abagenzi n’abava muri Uganda.
Eddy Kenzo ni we muhanzi wenyine wo muri Uganda waririmbye muri Masa Fest muri Cote d’Ivoire ku ya 16 Werurwe 2020. Yagumye mu gihugu cya Afurika y’Iburengerazuba ari gufata amajwi y’indirimbo ebyiri hamwe n’abahanzi bo muri Afurika y’Iburengerazuba.
Uyu muhanzi yatunguwe n’amakuru avuga ko adashobora gusubira muri Uganda kubera icyorezo cya Coronavirus cyarayr kigaragaye ku muntu umwe muri Uganda uri uyu wa Gatandatu tariki ya 21 Werurwe 2020.
Abinyujije ku mbuga nkoranyambaga, umuririmbyi wa Big Talent yatangaje ko atemerewe gusubira muri Uganda.”Ntabwo rero nemerewe gusubira mu rugo” – Kenzo arataka.
