DRC: Haburijwemo coup d’etat yo guhirika Perezida Tshisekedi
Kuri uyu wa Gatatu tariki ya ya 3 Mutarama 2024, muri Repubulika Iharanira Demokarasi ya Congo, hatangajwe ko Habutijwemo umugambi wa coup d’etat yo guhirika Perezida Tshisekedi yari yamaze gutegurwa.
Ni nyuma y’amatora aherutse kuba yo guhatanira umwanya w’umukuru w’igihugu bikarangira uyu mwanya wegukanywe na Perezida Félix Tshisekedi wari usanzwe uyobora Congo, hongeye kwikangwa coup d’Etat bivugwa ko yari yateguwe na, General Gabriel Amis Tangufort.
Nyuma y’uko bimenyekanye ko uyu mu Jenerali yateguye guhirika umukuru w’igihugu, ingabo zirinda umukuru w’igihugu hamwe n’abandi basirikare benshi bahise bagota urugo ry’uyu mu Jenerali kugirango baburizemo umugambi mubisha wari wateguwe.
Urugo rw’uyu mu Jenerali rwagoswe ni urw’ahitwa Mitendi, muri Komine ya Mont-Ngafula, i Kinshasa, mu murwa mukuru w’igihugu cya Republika ya Demokarasi ya Congo, aho bikekwa ko ariho yari amaze iminsi.
Mu nkuru yatangajwe n’ikinyamakuru Top Kivu dukesha iyi nkuru, uru rugo rw’uyu mu Jenerali rwatangiye kugotwa ku munsi w’ejo kuwa 2 Mutarama 2024, nyuma y’uko habonetse ibimenyetso bigaragaza ko hateguwe ihirikwa ry’ubutegetsi bwa Tshisekedi.
Uyu mukuru w’igihugu si ubwambere hageragejwe umugambi wo gushaka kumuhirika ku Butegetsi kuko no muri Mandata ye ya mbere uyu mugambi warageragejwe , ariko ntiwagira icyo ugeraho.
Ibi kandi bibaye nyuma yuko hatangaje ibyavuye mu ibarura rw’amajwi rya nyuma ryabaye kuwa 31 Ukuboza 2023, bikemezwa ko Félix Tshisekedi ariwe wegukanye uwo mwanya ku majwi 73%.
