DRC: FARDC yateye utwatsi ibiherutse gutangazwa na M23 bahanganye
Igisirikari cya Repubulika Iharanira Demokarasi ya Kongo (FARDC) cyahakanye cyivuye inyuma ibirego by’umutwe w’inyeshyamba za M23, wavuze ko indege y’ingabo za Kongo yanyuze mu turere twa Lubero na Rutshuru ubusanzwe tugenzurwa n’ uyu mutwe.
Mu itangazo ryashyizwe ahagaragara ku munsi w’ ejo ku cyumweru tariki 25 Kanama 2024, AFC-M23 yavuze ko ibyo ari ubushotoranyi bukabije, akaba ari nayo mpamvu bashingiyeho bagaba ibitero ku birindiro by’ ingabo za Congo FARDC n’ abo bafatanyije i Kikubo, muri Lubero.
Mu gusubiza iri tangazo umuvugizi w’ igisirikari cya Congo FARDC mu ntara ya Kivu y’ Amajyaruguru, Lt. Col. Njike Kaiko Guillaume, yamaganye iby’ iri tangazo n’ amagambo abikubiyemo ko ari ukubeshya kandi ko ikigamijwe ari ukuyobya ibitekerezo by’amahanga ku ihohoterwa ryakomeje gukorwa na M23.
Yasobanuye ko, mu gihe cy’amasaha 48, nta ndege yaturutse muri FARDC cyangwa abafatanyabikorwa bayo yajyanye mu kirere muri ako karere dore ko ngo n’ ikirere cyasaga nabi kuburyo ntandege yashoboraga kukimeneramo kubera ko cyari cyiganjemo ibicu byinshi.
Liyetona Koloneli Njike yagaragaje kandi ko M23 yari imaze kugerageza kugaba ibitero byayo maze itanga itangazo rigenewe abanyamakuru ku ya 24 Kanama, aho ryavugaga ko bivugwa ko hashyizweho ingabo za FARDC hirya no hino mu turere tugenzurwa na M23, kubwe akavuga ko iki ari gugushaka kuyobya uburari no kuyobya ibitekerezo bya rubanda.
FARDC yatangaje ibi mu buryo bwo gushyira ukuri ahagaragara no gukuraho impamvu iyo ariyo yose yagaragazwa na M23 igaragazwa nko guca inyuma amasezereno yo guhagarika imirwano yashyizweho mu rwego rwa Luanda.
Izi mpagarara zije mu gihe imirwano yongeye gutangira mu burasirazuba bwa DRC hagati ya FARDC n’inyeshyamba za AFC-M23. Ku ya 25 Kanama 2024, iyo mirwano yatumye M23 ifata umudugudu wa Kikuvo, umudugudu wa Lubero. Mbere y’uko kajugujugu ya gisirikare yagabweho igitero na M23 i Bunagana. Iyi ndege, inkomoko yayo ikaba itaramenyekana, yagombaga gusubira muri Uganda nyuma yo kwibasirwa ubwo yagurukaga hejuru y’ishyamba rya Kongo.
Izi mpagarara zigaragaza intege nke z’amasezerano yo guhagarika imirwano yashyizweho umukono ku ya 30 Nyakanga 2024 hagati ya Kinshasa na Kigali na Angola nk’ umuhuza, yateganyaga guhagarika imirwano guhera ku ya 4 Kanama. Ibintu biri ku butaka bikomeje kuba bibi, byerekana ko imbaraga z’akarere zigoye ndetse n’amahoro muri kariya karere gafite ibibazo akiri kure.
