Dr Vuningoma wayoboraga Inteko Nyarwanda y’Ururimi n’Umuco yitabye Imana
Dr Vuningoma James wari Umunyamabanga Nshingwabikorwa w’Inteko Nyarwanda y’Ururimi n’Umuco, yitabye Imana mu gitondo cyo kuri uyu wa Mbere tariki 20 Mutarama 2020.
Dr Vuningoma James yakoze imirimo itandukanye mu nzego zinyuranye z’igihugu yaba mu rwego rw’uburezi no mu bijyanye n’umuco yanabaye Umuyobozi Mukuru wungirije w’iyari Kaminuza yigisha Inderabarezi, KIE.
Amakuru avuga ko yari yaragiye kwivuriza mu Buhinde, agaruka bavuga ko yorohewe, ejo nibwo yagiye muri Faisal arembye.
Inshingano nyinshi yakoze zishingiye ku bwarimu, yari afite Impamyabushobozi y’Ikirenga mu masomo nyafurika cyane cyane ubuvanganzo nyemvugo n’ubuvanganzo nyandiko.
Yize muri Kaminuza ya Makerere ndetse n’iy’Bordeaux mu Bufaransa ari naho yakuye Masters na PhD.
