Dj Pius yashyizeho ibihembo Nigeriya niramuka isezereye Argentine mu mikino y’igikombe cy’Isi
Umuhanzi Dj Pius nyuma y’uko ikipe y’igihugu ya Nigeriya yitwaye neza igatsinda Iceland mu mikino y’igikombe cy’isi ikomeje kubera mu Burusiya, yatangaje ko nisezerera Argentine azatanga ibihembo bizaba biri kumwe n’umwamabaro w’ikipe y’igihugu ya Nigeriya.
Mu mukino w’igikombe cy’isi wabaye mu mugoroba wo kuri uyu wa Gatanu tariki ya 22 Kamena 2018 nibwo ikipe y’igihugu ya Nigeriya, Super Eaggles, yandagaje ikipe ya Iceland yari yarihagazeho ikanganya na Argentina ya Lionel Messi, Nigeriya yatsinze Iceland ibitego 2-0 inayirusha cyane.
Insinzi ya Nigeria yakuruye impaka mu bantu bavuga ko yahaye amahirwe Argentine idafite amahirwe yo gukomeza mu mikino y’igikombe cy’isi nyuma yuko yandagajwe na Croitia igatsindwqa ibitego 3-0, icyakora amahirwe ya Argentine ni uko yakwitsindira Nigeriya kuko kuba Nigeriya yatsinze Iceland yabahaye amahirwe make yo kwizera ko nibura abshobora gukomeza ariko kandi na Croitia ikabatsindira Iceland bitihise Argentine igatsinda Nigeriya ibitego byinshi.
Ibi byose rero nibyo biri gutuma abantu benshi bashyiraho intego zitandukanye bavuga uburyo bizagenda mu mikino itaha yewe bamwe bashyiraho ibihembo abandi bavuga ibyo bazareka intego yabo niramuka itabaye yo, hari n’abazareka akazi ngo nibitaba, Umunyamakuru w’imikino Rutamu Elie ngo azareka akazi ke.
Mu byo umuhanzi Dj Pius yemereye abantu ngo ni uko azatanga amatike yo kwinjira mu gitaramo cye aherekejwe n’imyenda y’ikipe y’igihugu ya Nigeriya ngo aba banyafurika nibaramuka basezereye Argentine yo muri Amerika y’Amajyepfo.
Dj Pius yagize ati:” Nigeriya nisezerera Argentine, nzatanga amatike 2o yo kwinjira mu gitaramo cyanjye “Iwacu”, buri tike izaba iri kumwe n’umwenda w’iyi kipe.”
Iki gitaramo yavugaga, ni icyo kumurika Album ye ya mbere yise”Iwacu” aho yanatumiye abanhanzi batandukanye nka Jose Chameleone, Weasel, Pallaso bo muri Uganda na Big Fizzo w’i Burundi.
Ibi ni ibitaramo bibiri kimwe kizabera i Kigali tariki ya 03 Kanama 2018 n’ i Musanze tariki ya 04 kanama 2018, Ibitaramo byose bigamije kumurika Album nshya ya DJ Pius wamenyekaniye mu itsinda rya Two4Real risa naho ritakibaho nyuma yuko Dj Pius afatiye umwanzuro wo gukora muzika ari wenyine.
