Diamond yitakumye atera imitoma Zari amuha igisubizo cyatangaje benshi
Ubwo zari wahoze ari umugore wa Diamond yizihizaga isabukuru ye y’imyaka 38 amaze avutse, Diamond yakoresheje amagambo akomeye ndetse arimo icyubahiro gikomeye ariko zari we amusubiza mu ijambo rimwe gusa ati :”Urakoze”.
Zari yari yaremereye umuhanzi Diamond kumubera umugore ndetse banabyarana abana babiri ariko baza gutandukana bitewe n’uko Zari yari arambiwe amakosa ya Diamond ahanini ashingiye ku kumuca inyuma.
Mu kumwifuriza isabukuru nziza, Diamond yagize ati:”Umusi mwiza udasanzwe w’isabukuru ku mubyeyi w’abana banjye nkunda cyane…….Warakoze kumpa aya mahirwe n’abana beza babiri kandi ndagushimiye kuba ukomeje kuba umubyeyi mwiza w’abana banjye……Nyizera, utitaye ku busazi n’ubwibone ushobora kuba utekereza ko mfite, nzahora mbigushimira kandi mbikubahire ….. Ni yo mpamvu utanyumvise cyangwa ngo umbone mu bitangazamakuru ngira icyo mvuga kuri wowe cyangwa ngo mvuge ku byatubayeho!! …..Kubera ko umugisha w’abana wampaye uvuze byinshi kuri njye……Kandi ni cyo urukundo rwakoze, Ndakubaha kandi ngufata nk’umuntu w’agaciro kurusha mushiki wanjye cyangwa umuvandimwe wanjye tuvukana! Imana iguhe umugisha kandi izaguhe kuramba, ibyishimo ndetse iguhe no gustinda muri byose. !!! ”
Mu kumuzubiza, Zari yagize ati :”Urakoze” arenzaho ururabo rutukura ntihagira ikindi arenzaho nyuma y’uyu mwandiko Diamond yari yanditse.
Hari amakuru ava muri Uganda avuga ko ashobora kuba ari mu rukundo n’umuherwe Bryan White wo muri Uganda. Uyu aherutse kumuha imodoka yo mu bwoko bwa V8, kandi bombi bagaragaye mu bikorwa byo gufasha abatishoboye byateguwe na Bryan White. hari n’umusore wo muri Kenya watanze amatangazo avuga ko akunda Zari kandi ashaka kumwegukana ndetse anamujyanira impano ubwo Zari yari yagiye muri Kenya ariko uyu mugore abitera utwatsi.
Ku munsi w’abakundana, tariki ya 14 gashyantare ni bwo Zari yatangaje ko atandukanye na Diamond nk’umugore n’umugabo ariko bazakomeza kurera abana babyaranye nk’ababyeyi, icyo gihe abicishije kuri Instagram, yavuze ko atakwihanganira umuntu uvugwaho kumuca inyuma ndetse ntanagaragaze ubushake bwo kwisubiraho.
Diamond ntiyasibaga ku rupapuro rw’ibanze mu bitangazamakuru byo muri Tanzaniya bavuga ko hari abakobwa babyaranye bari kumubaza indezo ndetse bamwe bakamujyana no mu nkiko akemera ko babyaranye, muri abo harimo Hamisa Mobetto.
