Diamond Platnumz yahaye nyina ubutumwa bukomeye ku isabukuru ye y’amavuko

Kuri uyu munsi umubyeyi ubyara Naseeb Abdul Juma uzwi cyane nka Diamond Platnumz ubwo yihizaga isabukuru ye y’amavuko Diamond yamugeneye ubutumwa bukomeye cyane avuga ko aramutse apfuye ubu kimwe cya Kabiri cy’ibyo atunze mama we ariwe wagisigarana.

Diamond abicishije ku rubuga rwa Instagram mu rwego rwo kumwifuriza isabukuru nziza y’amavuko , uyu muhanzi yavuze ko nyina yaciye muri byinshi bigoranye amurera bityo nta muntu numwe  yamugereranya nawe.

Diamond yanditse agira ati  ” Nibazaga niba hari uwagereranya agaciro kawe ufite n’ibintu byose mfite, mbona yaba yiyibagije ibibazo byose waciyemo undela iyo ataba wowe ubu nta muntu n’umwe uba unzi, ni wowe watumye ngera aha ngeze ku isi kubwiyo mpamvu uzahora uri uwingezi ibindi bizaza bikurikira , ibibazo n’ingorane zose waciyemo ugirango mbe umuntu  abantu babona imbere yabo , ntawe nakugereranya nawe, Mama Madale ni nzu yawe, ndamutse pfuye  kimwe cya kabiri cy’umutungo wanjye ni icyawe.”

Uyu musore uri mu bitaramo yateguye biri kubera muri Amerika ,yakomeje avuga ko ashaka  ko nyina yishimira ubuzima uko ashoboye kose kuko ahora ahatana /akora ijoro n’amanwa kubwe. Yongera ho ati ” Ubu ntacyo nabona  naguhemba , isabukuru nziza mama, Ndagukunda cyane”.