Diamond Platnumz na Rayvanny barashinjwa gushishura indirimbo nshya bakoze

Nyuma y’iminsi ine gusa abahanzi bo muri Tanzania, Diamond Platnumz na Rayvanny bashyize hanze indirimbo bahriyemo bise “Tetema” hamaze gutahurwa ko bayishishuye muburyo bw’amagabo ndetse na tumwe mu duce tugize amashusho yayo.

Tetema ni indirimbo yashyizwe ahagaragara ku italiki ya  6 Gashyantare 2019, mu minsi ine imaze igiye hanze, igashyirwa kuri Youtube imaze kurebwa n’abasaga miliyoni ebyiri.

Nyuma y’amasaha make imaze kugezwa kuri rubanda, iyi ndirimbo ya Diamond na Rayvanny yaherekejwe n’ubutumwa buvuga ko bayishishuye umuhanzi Tyler the Creator n’indirimbo ye “See You Again”.

Ikinyamakuru Kahawatungu, gitangaza ko uhereye ku masegonda 15 y’iyi ndirimbo ya Diamond na mugenzi, hari amwe mu magambo ahura mu bitero, by’umwihariko ku mashusho yayo, ngo aba basore bakaba barakoresheje itsinda ry’Ababyinnyi bambaye imipita (T-Shirts) y’imyeru n’ingofero, batambuka bari ku mirongo inyuma yabo haparitse indege, amashusho asa neza 100% n’ayo muri iyi ndirimbo ‘See you Again”.

Amashusho y’indirimbo ‘See you Again”. Yashyizwe hanze muri Kanama umwaka ushize, kuri youtube ikaba imaze kurebwa n’abasaga miliyoni 27.

Diamond na mugenzi we bashinjwa gushishura bakaba ntacyo bari batangaza kuri ibi bashinjwa dore ko iyi ndirimbo yabo ifite ibitekerezo (Comments) byayitanzweho bisaga 8200, bamwe bagaruka kuri ubu bujura.

Reba Indirimbo “Tetema”

Reba indirimbo “See you Agian”