Diamond Platinumz yatawe muri yombi-VIDEO
Umuhanzi Diamond Platnumz yatawe muri yombi na Polisi ya Tanzania azira gusakaza amashusho atanjyanye n’umuco wa Tanzania ku mbuga nkoranya mbaga ze.
Itabwa muri yombi rya Diamond udasiba kuvugwa mu itangazamakuru ryatangajwe na Minisitiri w’itumanaho ubwo yagezaga ijambo ku baminisitiri bari bateraniye mu nteko ishingamategeko kuri uyu wa 17 Mata 2018.
Minisitiri Dr Harrison Mwakyembe yatangaje ko Diamond yatawe muri yombi na polisi ku italiki ya 16 Mata 2018 azira gusakaza amashusho abangamiye umuco wo muri iki gihugu, yabitangaje ubwo yari ari gusubiza ikibazo yarabajijwe na na senateri GoodLuck Mlingwa aho yaramubajije ikiri gukorwa kugirango bakumire abahanzi n’andi matsinda y’abantu bakomeje gukwirakwiza ibintu bitajyanye n’umuco.
Yagize ati ” Mu 2010 twashyizeho itegeko ribakumira ku mbuga nkoranyambaga ariko ntabwo twigeze tubishyira mu bikorwa gusa kuri ubu amategeko yatangiye gukora akazi kayo ubu twamaze gushyikiriza inzego za polisi umuhanzi Diamond kubera amashusho yagaragayemo akora ibikorwa bigayitse.”
Bongo5 dukesha iy’inkuru yanditse ko uyu mu Minisitiri yakomeje avuga ko n’undi muhanzi witwa Nandy nawe ari gushakishwa na Polisi nyuma yuko nawe yakwirakwije amafoto agayitse ku mbuga nkoranyambaga zitandukanye.
Diamond yafunzwe nyuma y’uko mu mpera z’icyumweru gishize yashyize kuri SnapChat video imugaragaza asomana umunwa ku wundi n’umukobwa w’umuzungu. Ni na nyuka y’uko ejo yari amaze gushyira Video hanze ari hamwe n’abakobwa babiri barimo na Hamissa Mobeto ku gitanda kimwe bakora ibikorwa bigayitse.
Minisitiri Harrison Mwakyembe yabwiye Inteko Ishinga Amategeko ko Diamond Platnumz agiye kubanza gukorerwa dosiye hanyuma hakarebwa uburyo yashyikirizwa urukiko; yahise avuga ko “Nandy na we agomba gufatwa agafungwa”.
Minisitiri Mwakyembe yanagiriye inama urubyiruko gukoresha imbuga nkoranyambaga neza bashyiraho ibyubaka umuryango aho gukwirakwiza ibitanjyanye n’umuco.
Biteganyijwe ko Diamond agiye gukorerwa idosiye hanyuma agashyikirizwa inkiko.
Ijambo Minisitiri yavuze atangaza ko Diamond yafashwe
