David de Gea yagize icyo avuga nyuma yo kwirukanwa kwa Ten Hug
Uwahoze ari umuzamu wa mbere wa Manchester United, David de Gea, yongeye kwatsa umuriro hagati ye na Erik ten Hag, ashimangira ko afite icyo avuze nyuma yo kumva amakuru y’uko yirukanywe ku wa Mbere.
De Gea, wakiniye iyi kipe yo muri Premier League imyaka 12 kuva mu 2011 kugeza mu 2023, yagaragaje uko abona iyirukanwa rya Ten Hag nyuma y’uko akazi ke gahagaritswe mu buryo butunguranye.
Uyu mugabo w’imyaka 54 yakuwe mu kazi n’abayobozi bakuru ba United nyuma yo kuyobora ikipe mu buryo bubi mu ntangiriro za shampiyona. Itsindwa ry’ibitego 2-1 na West Ham ryari ikimenyetso cya nyuma cyo kumusezerera.
Mu kugaragaza ibyo yumva ku makuru y’irukanwa rya Ten Hag kuri mbuga nkoranyambaga (social media), De Gea ntiyavuze amagambo ahubwo yashyizeho emoji imwe ya ‘pinched fingers’ – ikimenyetso benshi bafata nk’imvugo ya gihanga ikunze kuvugwa mu Butaliyani.
Ibi bishimangira umubano utari mwiza wa De Gea na Ten Hag nyuma y’uko yasezerewe nk’umukinnyi w’ubuntu muri Kamena 2023. Nyuma y’imyaka 12 ari umuzamu wa mbere, Ten Hag yamusimbuje nyuma y’umwaka umwe gusa.
Ibintu byarushijeho kuba bibi hagati ya De Gea na Ten Hag ubwo uyu mutoza yavugaga ko ashaka kuzana undi muzamu. Nyuma yaje kugura Andre Onana avuye muri Inter Milan ku kayabo ka miliyoni 47 z’amapawundi, aba umuzamu wa mbere wa United.
Kuzana Onana byabaye inzira yo gusezerera De Gea, akaba yararekuwe nyuma y’uko ikipe yahisemo kudasubiramo amasezerano ye yari afite umushahara wa £375,000 ku cyumweru.
De Gea yamaze umwaka ashaka indi kipe kugeza ubwo yasinye muri Fiorentina yo mu Butaliyani, aho yatangiriye neza mu ikipe yitwa La Viola.
Nk’uko The Athletic yabitangaje, uyu wahoze ari umunyezamu wa Espagne yanatekereje kureka umupira w’amaguru nyuma yo kuva muri iyi kipe, aho yumvaga yatereranwe na Ten Hag.
Byavuzwe ko De Gea yaganiriye n’abantu be abwira ko ashinja Ten Hag n’uwari umuyobozi wa siporo John Murtough kuba baramwigaritse, ashimangira ko yari kuba yagarutse iyo baza kuba baravuye muri Manchester United.
Nubwo bagiye, biragoye ko yasubira i Manchester kuko yishimiye ubuzima bwa Florence. Ku mbuga nkoranyambaga, yanditse ubutumwa bwuzuyemo amarangamutima agaragaza ibyishimo byo kongera gukina.
“Ntibyoroshye gusobanura uko nishimye kuba naragarutse, birimo amarangamutima menshi,” yanditse kuri Instagram muri Nzeri.
“Ndashimira umuryango wanjye, inshuti, n’abafana ba Fiorentina ku bwo kumyakira neza kandi niteze kureba uko iki gihembwe kizagenda n’ibyo dushobora kugeraho hamwe.”
De Gea amaze gukina imikino 10 mu ikipe nshya, yinjizwa ibitego 10 akaba yarashoboye kurangixa imikino ibiri atinjijwe igitego. Birashoboka ko ubu yishimira ko ari mu ikipe nziza kandi Ten Hag ntakiri mu kazi.
