Cristiano Ronaldo yoherereje ubutumwa umutoza mushya wa Manchester united
Rutahizamu Cristiano Ronaldo yifurije Ruben Amorim amahirwe masa ubwo yatangiraga akazi nk’umutoza wa Manchester United.
Amorim yageze muri Manchester United muri iki cyumweru gishize nyuma yo gusoza inshingano ze muri Sporting CP, akaba yaratangiye gukorana n’abakinnyi batagiye mu butumwa bw’amakipe y’ibihugu, ategura umukino we wa mbere azakina na Ipswich Town.
Hari ibyiringiro bikomeye kuri Ruben Amorim, aho abafana benshi ba Manchester United bategereje ko azafasha guhindura amateka y’iyi kipe. Ronaldo nawe yavuze ko Manchester United ikeneye “amahirwe” mu bijyanye n’abatoza.
Ati“Nifurije Ruben Amorim amahirwe masa kuko Manchester irayakeneye,” Ronaldo yabivuze nyuma yo gutsinda ibitego bibiri mu mukino wo kuwa Gatanu batsinzemo Poland ibitego 5-1.
Ronaldo si we wenyine wagaragaje ibyishimo ku bijyanye na Ruben Amorim. Bernardo Silva, umukinnyi wa Manchester City, nawe yagaragaje uburyo yishimiye kubona Abanya-Portugal benshi mu Bwongereza, by’umwihariko aho agiye gukorana na Hugo Viana, Umuyobozi wa tekiniki wa Sporting CP, uzaza muri Manchester City umwaka utaha.
Atomi“Kuba dufite undi mutoza ndetse n’umuyobozi, bizajya biba iruhande rwanjye guhera umwaka utaha, bizongera guhagararira Abanya-Portugal muri shampiyona yacu,” Silva yabisobanuye. “Ibi biratuma nishimira cyane kandi nkagira ishema ridasanzwe.
“Iki gihugu cyacu ni gito, ariko gifite ububasha bukomeye mu mupira w’amaguru. Sinzi neza Hugo Viana ku giti cye, ariko ndishimye kubona undi muntu wacu uje kudufasha. Kuba ari Umunya-Portugal bituma mpora numva dufitanye isano yihariye.”
