China: Umuganga waburiye abantu bwa mbere ku cyorezo cya Caronavirus cyamuhitanye
Umuganga wo mu Bushinwa wagerageje kuburira abantu bwa mbere ko hateye ubwoko bushya bwa coronavirus yamwishe, nkuko byatangajwe n’ibitaro yari arwayiyemo.
Li Wenliang yanduye iyo virusi ubwo yarimo gukora mu bitaro by’i Wuhan – hafatwa nk’izingiro ry’iyo virusi – bya Wuhan Central Hospital.
Dr Li wari ufite imyaka 34 akaba n’impuguke mu buvuzi bw’amaso, yariiyatanze ubutumwa bw’impuruza ku baganga bagenzi be ku itariki ya 30 Ukuboza 2019, ariko polisi imusaba kureka “kuvuga ibintu bitari ukuri”.
Hari humvikanye amakuru avuguruzanya ku rupfu rwe, ariko igitangazamakuru People’s Daily kibogamiye ku butegetsi bw’Ubushinwa cyatangaje ko yapfuye kuri uyu wa gatanu saa munani na 58 z’ijoro ku isaha yo mu Bushinwa.
Iyo virusi imaze guhitana abantu 636 naho abandi 31,161 bamaze kuyandura mu Bushinwa, nkuko bigaragazwa n’imibare mishya y’ikigo cy’igihugu cy’ubuzima.
Abo bapfuye barimo na 73 bashya bari batangajwe ko bayanduye ku munsi w’ejo ku wa kane.
BBC yatangaje ko biribugore abakora icengezamatwara rya gahunda za leta kumvisha abaturage miliyari 1.4 b’Ubushinwa impamvu impuruza ya Dr Li yirengagijwe.
