CAFCL: Abakinnyi APR FC irajyana muri Tunisia gukina na Club Africain

Abafana ba APR FC n’abakunzi b’umupira w’amaguru mu Rwanda bahanze amaso muri Tunisia bategereje kureba ikizava mu mukino wo kwishyura uzahuza iyi kipe y’ingabo z’igihugu na Club Africain muri Total CAF Champions League .

Mu mukino ubanza wabereye kuri Stade ya Kigali i Nyamirambo, amakipe yombi yanganyije 0-0.

Umukino wo kwishyura uteganyijwe tariki ya 04 Ukuboza ndetse APR FC irahaguruka i Kigali kuri uyu wa Gatandatu saa 16:00 yerekeze i Tunis aho ifite urugamba rutoroshye rwo gusezerera Club Africain.

APR FC irasabwa gutsinda cyangwa kunganya ku mubare w’ibitego runaka kugira ngo ikomeze mu cyiciro gikurikira.

Abakinnyi irajyana, ni abanyezamu: Ntaribi Steven na Kimenyi Yves.

Ba myugariro: Imanishimwe Emmanuel, Omborenga Fitina, Buregeya Prince, Rugwiro Herve na Rusheshangoga Michel.

Abakina hagati: Mugiraneza Jean Baptiste Migi, Nshimiyimana Amran, Ntwari Evode, Nizeyimana Mirafa, Buteera Andrew, Nkizingabo Fiston na Sekamana Maxime.

Ba rutahizamu: Nshuti Dominique Savio, Hakizimana Muhadjiri, Iranzi Jean Claude na Mugunga Yves.

APR FC imaze iminsi yitegura ndetse umukino yagombaga gukinamo na Mukura muri shampiyona warasubitswe.

Wasubitswe ku bwumvikane bw’aya makipe yombi na FERWAFA, impamvu ni uko APR FC irahaguruka kuri uyu wa gatandatu mu gihe Mukura yo iri kwitegura Free State Stars yo muri Afurika y’Epfo mu mukino wo kwishyura, ubanza banganyije 0-0.