CAFCC: Mukura VS y’abakinnyi 18 yamaze kugera muri Sudani
Ikipe ya Mukura Victory Sports yageze muri Sudani aho igiye gukina na El Hilal Obeid mu mukino ubanza wa 1/16 muri CAF Confederation Cup.
Nyuma yo gusezerera ikipe ya Free States Stars yo muri Afurika y’Epfo iyitsinze igitego 1-0 mu mikino ibiri yose hamwe, ikipe ya Mukura ihagarariye u Rwanda mu marushanwa ya CAF irahura na El Hilal Obeid mu mukino utegerejwe ku wa Gatandatu saa kumi n’ebyiri n’igice z’umugoroba kuri Stade Shikan Castle muri Sudani.
El Hilal Obeid ni imwe mu makipe akomeye muri shampiyona y’icyiciro cya mbere muri Sudani gusa ibi ngo ntabwo bikanga umutoza wa Mukura VS ,Haringingo Francis uvuga ko icyo bagomba kwirinda muri uriya mukino ari gukora ibishoboka ntibatsindwe igitego ahubwo bo bareba uko babona igitego cyo hanze cyazanabafasha mu mukino wo kwishyura uzabera mu Rwanda.
Iyi kipe mbere y’uko igera i Khartoum muri Sudani yabanje kunyura muri Ethiopia i Addis Ababa, Kugeza ubu ikipe ya Mukura niyo iyiboye urutonde rwa shampiyona y’u Rwanda, Azam Rwanda Premier League.
Abakinnyi 18 Mukura Victory Sports ijyanye muri Sudani gukina na El Hilal Obeid yo muri Sudani
Abanyezamu: Wilonja Ismail na Umar Rwabugiri
Ba Myugariro: David Nshimirimana, Iragire Saidi,Hassan Rugirayabo, Mutijima Janvier, Hatungimana Basir
Abo hagati: Nkomezi Alexis, Gashugi Abdoulkharim, Gael Duhayindavyi, Munyakazi Youssuf, Iddy Djuma Saidi, Iradukunda Bertrand
Mbere yo kwerekeza muri Sudani abakinnyi ba Mukura babanje guhura n’abayobozi baraganira banasangira
