Bwa mbere muri Africa, Senegal igiye kwakira imikino Olempike y’abato (Youth Olympic Games2022)
Ku nshuro ya mbere imikino Olempike y’abato(Youth Olympic Games) izabera ku mugabane wa Afurika. igihugu cyo mu burengerazuba bw’uyu mugabane Senagal nicyo kizakira iyi mikino mu mwaka wa 2022 ubwo izaba iba ku nshuro ya kane.
Senegal ibonye uyu mwanya wo kwakira iyi mikino biturutse kugushyirahamwe kw’ibihugu bya Afurika, Iyi mikino Olempike y’abato 2022 izabera muri Senegal, izabera mu mijyi itatu yiki gihugu irimo; Dakar, Diamniadio na Saly.
Iyi mikino imaze kuba inshuro 3 gusa inshuro ya kane izabera muri Senegal mu 2022. Ku nshuro ya mbere mu 2010 iyi mikino yabereye muri Singapore , inshuro ya kabiri mu 2014 ibera i Nanjing mu Bushinwa, inshuro ya gatatu ari nayo iri kuba muri uyu mwaka 2018 iri kubera i Buenos Aires muri Argentine .
Thomas Bach ,Perezida w’ishyirahamwe ry’iyi mikino Olempike IOC (International Olympic Committee) yavuze ko Afurika yihurije hamwe ijya inyuma ya Senegal biyihesha amahirwe yo kwakira iyi mikino YOG(Youth Olympic Games) mu 2022, cyane ko ngo iki gihugu kiri mubifite umubare munini w’urubyiruko kandi rukunda siporo”Ni igihe cya Afurika , ni igihe cya Senegal”
Kuri ubu iyi mikino iri kubera muri Argentine kuva taliki ya 6 Ukwakira 2018 kugeza taliki ya 18 Ukwakira.
