Burundi:Abagera ku 10 baguye mu gitero gitunguranye
Byibuze abasivili 10 n’abasirikare 5 baguye mu gitero cyagabwe n’abantu bitwaje intwaro baturutse muri Repubulika ya Demokarasi ya Kongo ku mugoroba wo kuri iki cyumweru,tariki ya 25 Gashyantare 2024, nk’uko ubuyobozi bw’ibanze bwabyemereye SOS Médias Burundi.
Iki kinyamakuru kiravuga ko abantu bitwaje imbunda bagabye igitero baturutse muri RDC, bari bambaye imyenda y’ingabo z’Uburundi.
Ibi byabereye ku musozi wa Buringa,muri komini ya Gihanga,intara ya Bubanza, mu burengerazuba bw’igihugu.
Bamwe mu bishwe ni abakomoka mu zindi ntara harimo Cibitoke (amajyaruguru ashyira uburengerazuba).
Aba bishwe bari bitabiriye umuhango wo gushyingura uwo bafitanye isano muri ako karere.
Abinyujije kuri X,Perezida Ndayishimiye yagize ati “Turahojeje cane imiryango yabuze ababo mu gitero c’iterabwoba caraye gisubiye guhekura Uburundi muri zone Buringa ya komine Gihanga, twongera turemesha n’abakomeretse.
Inyabune ihagarare magabo mu guteramira umutekano !
Iterabwoba ntirizoduca intege kuronderera ineza abenegihugu.”
