Burundi: Hafashwe abantu babiri bivugwa ko bari mu gitero cya RED-Tabara
I Burundi haravugwa ifatwa ry’abantu babiri , muri Komini Musigati, bashinjwa kuba abarwanyi b’umutwe wa RED-Tabara, uherutse kugaba igitero mu Burundi.
Nk’uko ababibonye babitangaza, ngo abo bagabo babiri bafatiwe mu isoko rya Musigati bafatwa n’Imbonerakure ubwo bashakaga kujya ku rugo rw’uwahoze akurikiye CNDD-FDD mu ntara witwa Juvenal Havyarimana.
Abafashwe kuri ubu bafungiye muri kasho y’urwego rw’ubutasi. iyi nkuru dukesha SoSMedias Burundi ikomeza ivuga. Imbonerakure zashakaga guhita zica abo bantu bashinjwa kuba inyeshyemba ariko bagakizwa n’uko bemeye kwerekana ubuhisho bw’intwaro zari zihishe mu Ishyamba rya Kibira.
Umutwe wa RED-Tabara kugeza ubu ntacyo uravuga kuri ayo makuru, ariko abafashwe ngo baba bariyemereye ko ari bamwe mu itsinda ryateye muri komini za Gihanga, Mpanda na Musigati kuwa kabiri w’icyumweru gishize.
