Burundi: Abantu bitwaje intwaro bongeye kwibasira iki gihugu
Mu ijoro ryakeye bantu bitwaje intwaro bongeye kwibasira igihugu cy’u Burundi bica Umuntu umwe, abandi bane barakomereka, nk’uko amakuru aturuka muri iki gihugu abivuga.
Iki gitero cyabereye ahitwa Murama, muri komine Bugendana ho mu ntara ya Gitega, mu ijoro ryo kuri uyu wa 31 Gicurasi 2018.
Abagabye iki gitero bishe umuntu umwe, bakomeretsa bane, basahura n’amwe mu mazu y’ubucuruzi yo muri kano gace.
Umuvugizi wa Minisiteri y’umutekano go gukumira ibiza mu gihugu cy’u Burundi Pierre NKURIKIYE yabwiye ikinyamakuru Igihe gikorera mu Burundi ko iki gitero cyabaye mu ma saa yine n’igice z’ijoro gikozwe n’abarwanyi bane bari bitwaje intwaro.
Yakomeje avuga ko aba barwagabo banateye ama Grenades mu ngo z’abaturage ndetse no mu tubari two muri ako gace.
Kugeza ubu haracyashakishwa ababa bihishe inyuma y’iki gitero.
Iki gitero kije gikurikira ikindi cyagabwe mu kwezi gushize mu ntara ya Cibitoke ihana imbibi n’igihugu cya Repubulika iharanira Demokarasi ya Congo, kigahitana abantu 26.
