Bugesera: IGP Félix Namuhoranye yahaye ubutumwa abapolisi badasanzwe
Kuri uyu wa kane tariki ya 14 Nzeri 2023 mu Karere ka Bugesera habereye umuhango wo gusoza amasomo y’ikiciro cya 11 cy’amahugurwa y’ibanze ajyanye n’ibikorwa bya Polisi byihariye (Basic Special Forces Course).
Muri uyu muhango Umuyobozi Mukuru wa Polisi y’ u Rwanda IGP Felix Namuhoranye yageneye ubutumwa abapolisi badasanzwe barangije amasomo yavuze ko amahugurwa nk’aya azakomeza mu rwego rwo kwagura ubumenyi no guteza imbere ubunyamwuga, hakazakomeza no kuvugururwa uburyo aya mahugurwa atangwamo kugira ngo arusheho kubyazwa umusaruro.
Yashimiye ubushake n’umurava abasoje amahugurwa bagaragaje, abasaba gukomeza kurangwa n’imyitwarire myiza no gukoresha neza ibyo bungukiye mu mahugurwa mu kazi ka bo ka buri munsi.
Umuhango wo gusoza aya mahugurwa waranzwe n’imyitozo itandukanye irimo imikino njyarugamba, kunyura mu nzira z’inzitane no mu mazi mu bikorwa by’ubutabazi, kumanukira ku migozi n’ibindi.
