Breaking News: FC Barcelona imaze gusinyisha myugariro w’Umufaransa
Ikipe ya FC Barcelona imaze gusinyisha Clement Lenglet, myugariro ukomoka mu gihugu cy’Ubufaransa wakiniraga FC Sevilla yo mu gihugu cya Espagne iguze amasezerano yari ayifitemo.
Aya makuru amaze guhabwa umugisha n’ikipe ya FC Barcelona ihise iyatangaza ibicishije ku mbuga nkoranyambaga zayo, ndetse na Xavi Hernandes wabaye umwe mu bakinnyi beza iyi kipe yagize mu mateka akaba ayatangaje abicishije kuri Twitter.
Clement Lenglet w’imyaka 23 yasinyiye iyi kipe amasezerano y’imyaka 5 nyuma yo kumugura angana na miliyoni 35.9 z’ama pounds.
Ni umukinnyi wa kabiri by’umwihariko FC Barcelona isinyishije muri iki cyumweru, nyuma y’umunya Brazil Arthur Mero wageze muri iyi kipe aguzwe miliyoni 27.5 z’ama Pounds akubutse muri Gremio yo mu gihugu cya Brazil.
Mero ukiri muto, aje gufasha ubwugarizi bwa FC Barcelona burimo abakinnyi bari kugenda basaza nka Gerard Pique, akaba agomba kurwanira umwanya n’abasore bakiri bato nka Yerri Mina na Samuel Umtiti.
Abaye umukinnyi wa 5 ukomeye uvuye muri Sevilla akaza muri Barcelona muri iki kinyejana cya 21, nyuma ya Danny Arves ufatwa nka myugariro w’ibihe byose FC Barcelona yagize inyuma ku ruahande rw’iburyo, Saidou Keita, Umunya Brazil Adriano ndetse na Ivan Raktic.
