Beauty For Ashes yatumiye abahanga mu Kuramya no guhimbaza Imana mu njyana ya Reggae

Itsinda ryo kuramya no guhimbaza Imana Beauty For Ashes mu gitaramo bari kwitegura cyiswe “Unstoppable concert”  batumiye Christafari abahanga mu Kuramya no guhimbaza Imana mu  njyana ya Reggae ku Isi.

Iki gitaramo Beauty For Ashes kije nyuma y’icyo baherutse gukora cyo kumurika album yabo bise “Renaissance” cyabaye mu 2017. Beauty For Ashes itsinda riyobowe na Olivier Kavutse rikora injyana ya Rock ivanzemo umudiho wa Kinyafurika ryamamaye cyane mu ndirimbo nka ‘Yesu ni we Super Star’’, ‘‘Surprise’’, ‘‘Turashima’’, ‘‘Yesu Ni Sawa’’,

Beauty For Ashes  yatumiye itsinda rya Christafari rikunzwe ku Isi mu muziki wa Reggae  uhimbaza Imana mu gitaramo  cyo gusohoza isezerano ryo kwishimana n’abakunzi ba Beauty For Ashes buri mwaka.

Igitaramo “Unstoppable concert” kizaba ku wa 4 Kanama 2018 kuva saa kumi n’imwe z’umugoroba mu ihema rinini rya Camp Kigali. Ticket yo Kwinjira muri iki gitaramo ni 5,000Frw mu myanya isanzwe na 10,000 Frw mu y’icyubahiro.

Christafari yatumiwe muri iki gitaramo n’itsinda rigizwe n’abaririmbyi icyenda, rikaba ryarashinzwe mu 1990  rishingwa na Mark “Tansoback” Mohr,  Christafari yamamaye mu ndirimbo zirimo “Hosanna”, “Here I Am To Worship”, “He Reigns”, “What A Beautiful Name”, “Your Beauty Chase Me”, Oceans (Where Feet May Fail), “He is greater than I”, “Valley of Decision” yamaze ibyumweru 15 iza mu icumi zikunzwe kuri Billboard’s “Top Reggae Albums” chart n’izindi.