28/01/2018 Leo Hakizimana

Bagiye gutombora nimero bazajya batorerwaho muri Miss Rwanda 2018, Impanga zongeye gutangaza abantu

Kuri uyu wa gatandandu kuya 27 Mutarama 2018 nibwo abakobwa bose uko ari 35 batoranyijwe mu ntara zitandukanye zigize igihugu ndetse n’umujyi wa Kigali bahawe nimero bazajya bakoresha muri aya matora agiye kuba hifashishijwe kohereza ubutumwa bugufi.

Ibintu byatangaje abantu muri aya majonjora ni uko Impanga 2 zaje muri aya majonjora maze abagize akanama nkemurampaka basaba ko bose bakwinjirana kugira ngo batabitiranya, babajijwe uko barabyakira nihakomeza umwe , bose basubije ko byaba ari ishema umwe avukana na Miss Rwanda. Uwankunda Belinda yatomboye nimero 3 naho Umutoni Belise yatomboye nimero 2.

Izi nimero bazihawe nyuma yuko hari hamaze kuba igikorwa cyo kujonjora abakobwa bazahagararira Umujyi wa kigali, hamaze kugaragara abakobwa 7 barimo n’impanga z’abakobwa 2 nibwo abakobwa bose binjijwe mu cy’umba cyaberagamo amajonjora maze buri umwe wese agenda atombora nimero azakoresha.

Ubu aho aya marushanwa ageze , abantu bagiye gutangira gutora abakobwa baha amahirwe kandi babona bakwiye koko kuzaba Nyampinga w’ u Rwanda. Kubikora ujya ahandikirwa ubutumwa bugufi ukandika “Miss” ugasiga akanya noneho ukandika nimero y’umukobwa ushaka gutora maze ukohereza kuri 7333.

Aya matora azamara iminsi mike cyane kuko ku wa Gatandatu tariki 3 Gashyantare 2018 aribwo hazaba amajonjora y’ibanze aho mu bakobwa 35 bahagarariye intara zose z’u Rwanda n’ Umujyi wa Kigali bazatorwamo 25 bazajya mu mwiherero uzatanga Nyampinga w’u Rwanda 2018 mu birori bizabera muri Kigali Convention Center tariki ya 24 Gashyantare 2018.