Arsenal yatekewe umutwe n’umuntu basinyana amasezerano ya baringa
Arsena ibarizwa muri shampiyona y’Ubwongereza ikaba inaherutse kugirana amasezerano y’ubufatanye n’ u Rwanda yatekwe umutwe n’umuntu wiyitaga umukozi w’uruganda rwo mu Bushinwa rukora imodoka rwa BYD kandi atarukoramo.
Iby’aya masezerano byemejwe na Arsenal muri Mata, icyo gihe yatangaje ko yashyize umukono ku masezerano n’uruganda rucuruza imodoka zirimo n’izikoresha amashanyarazi bakajya bamamariza urwo ruganda. Nkuko byagaragaye mu itangazao bashyize hanze ngo aya masezerano yabasinye ubwo bari bagiye kwitegura shampiyona muri Shanghai na Beijing mu 2017.
Aya masezerano yari akubiyemo ko BYD izamamaza muri Emirates Stadium hasi ku kibuga n’aho abatoza n’abakinnyi bahagarara mu gihe cy’umukino. Abakinnyi bakomeye banyuze muri iyi kipe kandi bagombaga kuzajya bitabira ibikorwa byamamaza uru ruganda mu bikorwa bitandukanye bari kuzagirira mu Bushinwa.
Umunyarwanda yabivuze neza ko ikinyoma cyicara ku ntebe rimwe , kuko nyuma y’amezi atatu gusa, havumbuwe amakuru ko uwashyize umukono ku masezerano atigeze akorana nuru ruganda bityo ko bwari ubutekamutwe.
Dailycannon dukesha iyi nkuru yatangaje ko uyu mukozi ukekwa muri ubu buriganya witwa Li Juan, yafashwe na Polisi akaba ari kubazwa iby’ubu bujura yakoreye Arsenal.
Biragaragara ko uyu mugambi yari yarawupanze igihe kirekire kuko ibinyamakuru bitandukanye byo mu Bushinwa byatangaje ko Juan yakodesheje inyubako ashaka kugaragariza abakiliya b’imena ko yafunguye ishami rishya rya BYD ndetse akoresha ibyangombwa by’abakozi na kashi z’inyiganano mu gusinya ku masezerano.
Mu itangazo BYD yashyize hanze yatangaje ko , Uru ruganda rwatangaje ko kuba uyu mugabo yarabeshye Arsenal byaratumye uru ruganda rugira isura mbi muri rubanda
Bagize bati: “Mu minsi ishize, BYD Company Limited yabonye amakuru y’ibihuha avuga ku mishinga y’ishoramari yakozwe na Li Juan n’abandi bantu mu itangazo riharabika izina rya BYD ryasohowe ku wa 12 Nyakanga 2018.”
BYD yamenyesheje Arsenal ko yaba yaratekewe umutwe mu bikorwa bigamije kuyamamarizaho. Nyuma y’iri tangazo, imigabane y’igiciro cya BYD Auto yamanutseho 5.7 %.
Arsenal na yo yahise itangaza ko :“Abayobozi bakuru” bo muri uru ruganda bagize uruhare mu biganiro by’impande zombi.
Iti “Ibi birimo imikoranire na BYD yamuritswe n’impande zombi ku mugaragaro kuri Emirates Stadium ku wa 8 Gicurasi.”
Uru ruganda rwa BYD rukora imodoka zirimo bisi nini, izikoreshwa mu bucuruzi, kontineri zikoreshwa kuri gari ya moshi n’izindi. Uru ruganda rutanga bisi zikoreshwa mu bwikorezi mu Mujyi wa Londres, ndetse rukaba rufite abakozi barenga 220,000 mu migabane itanu.
