Angola: Umuhungu wa Eduardo dos Santos wahoze ayobora iki gihugu yatawe muri yombi
José Filomeno dos Santos umuhungu wa wa Jose Eduardo dos Santos wahoze ayobora igihugu cya Angola , ubushinjacyaha bw’icyo gihugu bwatangaje ko guhera kuri uyu wa Mbere uyu muhungu afunzwe by’agateganyo.
Uyu muhungu uzwi ku kazina ka Zenu arakekwaho ibyaha bya ruswa no kunyereza miliyoni 1.5 z’amadolari, akurikiranyweho kandi amafaranga angana na miliyoni 500 z’amadolari yakuwe muri Banki Nkuru y’Igihugu mu buryo budasobanutse ku busabe bwe nk’uwari uyoboye ikigega cya Leta ikigenga yari yarashinzwe na Se., nyuma aza gukurwaho na Perezida Joao Lourenco wari usimbuye se.
Daily Nation ivuga ko umunyemari Jean-Claude Bastos de Morais, ukomoka mu Swiss ariko wakorerga muri Angola nawe yatawe muri yombi . iki kinyamakuru gikomeza kuvuga ko Umushinjacyaha Mukuru Alvaro Da Silva Joao yatangaje ko bafunze José Filomeno dos Santos nyuma yo kubona ibimenyetso bihagije.
