Amatike yo kwinjira mu gitaramo Davido agiye gukorera mu Rwanda yamaze kunjya hanze
Davido uri gukora ibitaramo bizenguruka Isi , ibitaramo byo kumurika album ye yise “30 Billions” ,kuri uyu wa gatandatu taliki ya 3 Werurwe 2018 nibwo iki gitaramo cyo kumurika album ye kizabera hano mu Rwanda kuri sitade Amahoro(Parking) i Remera.
Kuri ubu amatike yo kwinjira muri iki gitaramo yamaze kunjya ahagaragara murwego rwo gufasha abakunzi bibitaramo n’abakunzi b’uyu muhanzi kugura amatike hakiri kare dore ko ibitaramo byo kumurika iyi album ye byabanjirije iki agiye gukorera i Kigali amatike yo kubinjyamo yagiye ashira mbere y’igitaramo. Aya matike wayagurira ahasanzwe hagurirwa amatike y’ibitaramo hano mu Rwanda.
Muri Kigali aya matike wayakura aha hakurikira: Radisson Blu Hotel,Choma’d i Nyarutarama, Chap Chap Food i Nyamirambo, Kabash Fashion House kuri UTC, Kigali Heights , Soho Fitness, Trophy’s no kurubuga rwa murandasi jumia.rw .
Iki gitaramo “30Billions” kizaririmbamo abahanzi bahano mu Rwanda nka Riderman, Chaly na Nina, Yvan Buravan kwinjira bizagusaba kuza ufite itike y’ ibihumbi bitanu (5000frw), Ibihumbi makumyabiri (20000frw) n’ ibihumbi mirongo itanu (50000frw.)
