Amajyepfo yahiriwe n’ imikino Kigali iyibera umufana
Intara y’ Amajyepfo muri uyu mwaka w’ imikino 2022/2023 yahiriwe n’ urugendo kuko amakipe yayisohokeye muri Shampiyona no mu gikombe cy’ Amahoro yitwaye neza akaza mu myanya ya hafi. Intara y’ Amajyepfo ikomokamo ikipe ya Mukura Victor Sport et Loisir y’ i Huye, Rayon Sport y’ i Nyanza, Amagaju FC y’ i Nyamagabe na Muhanga FC y’ i Muhanga.
Havuyemo Muhanga FC itararyohewe n’ uyu mwaka aho iri gukina mu kiciro cya Kabiri ariko andi yose yagize ibihe byiza muri uyu mwaka kuko Rayon Sport yashoje Shampiyona y’ Ikiciro cya mbere iri ku mwanya wa Gatatu irushwa amanota 2 n’ amakipe abiri ayiri imbere ndetse inatwara igikombe cy’ Amahoro itsinze APR igitego 1-0 bityo ihita igira igikombe cya 10 cy’ Amahoro.
Mukura Victory Sport et Loisir yashoje Shampiyona y’ ikiciro cya mbere ku mwanya wa gatandatu nyuma ya APR, Kiyovu, Rayon Sport,AS Kigali na Police FC maze inatwara umwanya wa gatatu mu gikombe cy’ Amahoro itsinze Kiyovu Sport igitego 1-0.
Amagaju FC yari amaze imyaka 4 akina muri Shampiyona y’ Ikiciro cya Kabiri nayo yagize ibihe byiza kuko umwaka wa Shampiyona 2022-2023 ushoje iri kumwenyura kubera ko yongeye kugaruka mu Kiciro cya Mbere yaherukagamo mu mwaka w’ imikino 2018-2019 itsinze Etoile de l’ Est igitego 1-0. Icyo gitego cyayihesheje kuzamukana na Etoile de l’ Est yatwaye igikombe cya Shampiyona u’ Ikiciro cya Kabiri mu bagabo zije gusimbura Espoir FC na Rutsiro FC.
Amagaju Football Club
