Amafoto agaragaza umukobwa wabaye Miss Uganda 2018/2019
Mu ijoro ryo kuri uyu wa Gatanu tariki ya 10 Kanama 2018 ni bwo i Kampala muri Uganda habaye ibirori byo gutoranya ugomba kwambikwa ikamba rya Miss Uganda 2018/2019 wagombaga gusimbura Miss Leah Kagasa wari umuranye iri kamba imyaka 2 nyuma y’uko abategura iri rushanwa bananiwe gutora umusimbura mu 2017.
Quiin Abenakyo w’imyaka 22 y’amavuko ni we wahigitse abakobwa 22 bari bahanganiye iri kamba maze aba Miss Uganda wa 2018/2019. Uyu mukobwa wiga ikoranabuhanga rishyingiye ku bushabitsi (Business Computing) uvuka mu karere ka Mayuge azanahagararira Uganda mu marushanwa mpuzamahanga ya Miss World azabera mu bushinwa mu kwezi k’Ukuboza.
Iki gikorwa cyo gutoranya Miss Uganda 2018/2019 cyabereye kuri Sheraton Hotel iherereye mu mujyi wa Kampala.
Quiin Abenakyo wegukanye ikamba yahawe imodoka yo mu bwoko bwa Toyota (UBD series). Quinn Abe n’ibisonga bye bibiri, Ahebwa Patience Martha na Trya Margach bazatemberezwa mu Buholandi bagirire umwiherero mu kirwa cya Bulago kiri i Kampala ndetse banakorere imyitozo muri gym ya Sheraton Hotel i Kampala.
Quiin Abenakyo wabaye Miss Uganda 2018/2019 n’ibisonga bye bibiri (Ahebwa Patience Martha na Trya Margach) , kandi bahise babona amahirwe yo kurihirwa amashuri mu ishuri rya Uganda Aviation School, bahabwa akazi ka customer care ku kibuga cy’indege n’ibindi bizagenda bimenyekana mu minsi iri imbere nkuko ibinyamakuru byo muri Uganda bibitangaza.
Zari Hassan, wahoze ari umugore wa Diamond yari mu bari bagize akanama nkemurampaka, yavuze ko abatabashije kwegukana ikamba bakwiye kuzongera guhatana kuko bashobora kuba ba Miss Uganda mu myaka ikurikira ku bazaba bacyujuje ibisabwa kugira ngo bajye mu irushanwa.
