Abakobwa bahatanira ikamba rya Nyampinga w’u Rwanda 2018 uko bari makumyabiri (20) bakoze ikizamini cyanditse icyo kuvuga kiraba kuri uyumunsi kiyoborwe na Sonia Rolland , icumi (10) bambere batsinda kurusha abandi nibo bazatambuka bagatoranywamo umwe uzaba Nyampinga w’u Rwanda 2018 ndetse n’ibisonga bye bibiri.

Aba bakobwa bamaze ibyumweru bibiri mu mwiherero i Nyamata muri  Golden Tulip Hotel. Bitandukanye n’imyaka yabanje  uyu mwaka bakoze ikizamini icyo kwandika n’icyo kuvuga aho  icumi (10) bari butsinde kurusha abandi nibo baributambuke bazajya mu cyiciro cya nyuma (Final). Noho mu myaka ishize ho aba bakobwa bajyaga mu mwiherero bakawuvamo bajya kwiyereka akanama nkemurampaka, abarushije abandi mu ntambuko, kwisobanura no gusubiza ibibazo neza akaba ari bo bakomeza mu cyiciro cya nyuma cyajyagamo abakobwa batanu (5).

Muri ibi bizamini bakoze abakobwa babajijwe ku bijyanye na gahunda za Leta, intego za Miss Rwanda n’ibindi bitandukanye by’ubumenyi rusange bituma hapimwa ubumenyi bwabo rusange. Iki kizamini cyanditse cyakozwe ku munsi w’ejo naho ikizamini cyo kuvuga kiri buyoborwe na Sonia Rolland wabaye Nyampinga w’Ubufaransa mu mwaka 2000 kiraba uyu munsi. Sonia Rolland ufite inkomoko mu Rwanda, yamaze kugera i Kigali mu gitondo cy’uyu wagatanu 23 Gashyantare 2018.

Tubibutse ko Ibirori byo gutora Nyampinga w’u Rwanda 2018, bizaba kuri uyu wa gatandatu taliki 24 Gashyantare 2018, muri Kigali Convention Centre. Hazatorwa Nyampinga n’ibisonga bye bibiri bitandukanye n’ibyari.