Akanyamuneza ni kose kuri Miss Igisabo waserukiye u Rwanda(Amafoto)
Uwase Hirwa Honorine wamamaye ku izina ry’Igisabo mu irushanwa rya Miss Rwanda 2017 akaza no kuba Miss Populality, yaserukiye u Rwanda mu irushanwa ry’ubwiza riri kubera muri Philippines.
Miss Uwase Hirwa Honorine yitabiriye irushanwa ry’ibidukikije ryitwa Miss Earth riri kuba ku nshuro yaryo ya 17, iri rushanwa rigiye guhuza abakobwa batandukanye baturutse impande zose z’Isi, rifite intego yo kwifashisha mu buvugizi ba Nyampinga bazwi mu bijyanye n’imyidagaduro no guteza imbere urwego rw’ibidukikije.
Iri rushanwa rizahuriza hamwe abakobwa bagera kuri 91, rizasozwa tariki 4 Ugushyingo 2017. Ndetse byari biteganijwe ko abakobwa bose bazahatanira iri kamba bagombaga kugera muri Philippines kuwa gatanu tariki 6 Ukwakira 2017.
Uwase Hirwa Honorine yahagurutse mu Rwanda ku wa gatandatu tariki 7 Ukwakira 2017, yerekeza muri Phillipines muri iri rushanwa.
Abazarushanwa bazamara ukwezi muri icyo gihugu mu bikorwa bitandukanye birimo imyiteguro y’umunsi nyirizina w’ibirori bizamenyekaniramo uwegukana ikamba ndetse n’ibyo kumenyekanisha gahunda ziteza imbere ibungwabungwa ry’ibidukikije.
Ibihugu n’ibirwa byitabiriye irushanwa ry’uyu mwaka ni : Angola, Argentina, Australia, Austria, Bahamas, Belarus, Belgium, Belize, Bolivia, Bosnia & Herzegovina, Brazil,Cambodia, Cameroon, Canada, Chile, China, Chinese Taipei, Colombia, Cook islands, Costa Rica, Crimea, Croatia, Cypus, Czech republic, Denmark, Dominican republic, Ecuador, England, Ethiopia, France, Germany, Ghana, Guadeloupe, Guatemala, Haiti, Honduras, Hungary, India, Indonesia, Israel, Italy , Japan, Korea, Kyrgyzstan, Lebanon, Malaysia, Malta, Mauritius, Mexico, Moldova, Mongolia, Myanmar, Nepal, Netherlands, New Zealand, Nigeria, Northern Ireland, Pakistan, Panama, Paraguay, Peru, Philippines, Poland, Portugal, Puerto Rico, Reunion island, Russia, Rwanda, Samoa, Serbia, Sierra Leone, Singapore, Slovak Republic, Slovenia, South Africa, Spain, Sri Lanka, Sweden, Switzerland, Thailand, Tonga, Uganda, Ukaraine, USA, U.S. Virgin islands, Venezuela, Vietnam, Wales na Zambia.
https://teradignews.rw/2017/10/06/hirwa-honorine-wamamaye-nkigisabo-agiye-guserukira-u-rwanda/
Theos UWIDUHAYE/TERADIG NEWS
