Afghanistan: Guverinoma y’abatalibani yafatiye mbarigo abagore basokoza imisatsi
Guverinoma y’aba-Taliban yategetse ko amazu yo gusokoza no gukora imisatsi[ salmon de coiffure] yo muri Afghanistan afungwa, ni ingingo yindi ije ibangamira abagore bo muri iki gihugu. Umuvugizi w’ubushikiranganji bujejwe imico myiza yabwiye BBC ko iyi ngingo itegerezwa kuja mu ngiro mu kwezi kumwe, uhereye igenekerezo rya kabiri z’uku kw’indwi, igihe bene aya mazu bamenyesherejwe iyi ngingo.
Uburenganzira bw’abagore bo muri iki gihugu bukomeje kubangamirwa kuva aba-Taliban bafashe ubutegetsi muri 2021.
Abagore n’abakobwa babujijwe kwiga amashuli, kujya mu bikorwa by’imyidagaduro no gukora imyitozo ngororamubiri, ndetse mu minsi ishize nabwo babujijwe gukorera umuryango w’abibumbumye ONU.
Abatalibani banaherutse gusohora itegeko ritegeka abagore kwambara imyambaro yerekana amaso yonyine, kandi igihe cyose bbazaba bafashe urugendo rurenga ibirometero 72 bagomba guherekezwa n’uw’igitsinagabo.
Izi ngingo zose zibuza abagore n’abakobwa ibikorwa runaka ndetse zikomeje gufatwa uko ibihe bihaye ibindi, nubwo amahanga n’imiryango iharanira uburenganzira bw’abagore idasiba kubyamaganira kure.
Gufunga amazu yita ku bwiza byari mu bigize amabwiriza menshi cyane yafashwe n’abatalibani, igihe buheruka ku butegetsi hagati ya 1996 na 2001. Ariko yasubijweho nyuma y’imyaka yo gusubira ku butegetsi bari barakuweho n’igitero kiyobowe na Leta zunze ubumwe z’Amerika.
Umugore wo muri Afghanistan utashatse kugaragaza imyirondoro ye, agaruka ku bijyanye no gufunga amazu yita ky bwiza [ sallon de coiffure] yabwiye BBC ko ” Aba-Taliban barikunyaga!”
Amazu y’ubwiza amaze imyaka hafi ibiri akora kuva abatalibani bageze ku butegetsi. Gusa amadirishya ndetse n’amafoto y’abagore agaragara hanze yayo yari yarasizwe amarangi kugira ngo bahishe isura y’umugore.
Leta y’aba-Taliban ntisobanura icyatumye ifata iki cyemezo, cyangwa niba hari izindi nzira iteganyiriza abagore, niba ziriho, mu gihe ayo mazu yita ku bwiza azaba afunzwe.
Undi mugore w’umunya-Afghanistan yavuze ko bagenzi we bemeza ko amazu yo kwisokorezamo imisatsi yafunzwe i Kabul ndetse n’ahandi.
Yavuze ko”Ni inkuru y’incamugongo ku bagore ba Afghanistani. Nasohotse nibonera ko amazu yose y’ubwiza mu karere mbamo yafunzwe”.
Ni uburenganzira bwibanze bw’ikiremwamuntu.Bari kubangamira uburenganzira bw’abagore. Kuri iki cyemezo, ubu babujije abagore gukorera abandi bagore. Igihe numviye iyi nkuru, nababaye cyane.
“Bigaragara ko aba-Taliban nta gahunda ya politike n’imwe bafite, keretse kwibanda ku mibiri y’abagore. Bari kugerageza kwirukana abagore mu nzego zose z’ubuzima bw’igihugu
