Ac Milan yirukanye umutoza maze imusimbuza umukinnyi w’icyamamare mu mupira w’amaguru

Ikipe ya AC Milan yirukanye umutoza wayitozaga   Vincenzo Montella maze ihita imusimbuza icyamamare mu mupira w’amaguru ku Isi   Gennaro Gattuso wigeze no gukinira iyi kipe yo mu Butariyani.

Iyi kipe ya Ac Milan iri ku mwanya wa karindwi ku rutonde rwagateganyo rwa shampiyona , Serie A , ikaba ifite amanota  20, yirukanye umutoza nyuma yo gutsinda imikino 2  gusa mu mikino 9 baherutse gukina.

Nkuko bigaragara mu itangazo ikipe yashyize ahagaragara yatangajeko Ac Milan itakiri kumwe n’umutoza wayo ndetse ko abakoranaga na Montella bose birukanywe. Bagize bati:”Tunejejwe no kubamenyeshako Bwana  Montella n’abari  bamwungirije birukanywe , turabashimira ubwitange n’ubunyamwuga byabaranze.”

Uyu mutoza yahambirijwe ibye , asezererwa i Milan nyuma yaho  uyu mutoza yatoje umukino  banganyijemo na Torino 0-0 ubwo bakinana  umukino w’umunsi wa 14 wa shampiyona.

Gattuso, wahoze akinira ikipe ya Ac Milan yahise ahabwa inshingano zo gutoza iyi kipe nyuma yaho yaramaze iminsi atoza ikipe y’abatoya ya Ac Milan.

Ku myaka 39 y’amavuko Gattuzo yakiniye  Milan mu myaka ya  1999 kugeza mu  2013, atwara igikombe cya shampiyona ndetse n’ibikombe bibiri bya  Champions League . Bikaba biteganyijwe ko uyu mutoza mushya azakorana ikiganiro n’itangazamakuru ejo ku wa kabiri kuya 27 ugushyingo i Milanello aho Ac Milan isanzwe ikorera imyitozo.

Gattuso yakiniye ikipe y’igihugu y’u Butaliyani kuva mu 2000 kugeza mu 2010, ayitsinda igitego kimwe mu mikino 73, ndetse babasha gutwarana ibikombe birimo icy’Isi cya 2006 batsinze Ubufaransa ku mukino wa nyuma.

Iri ryirukanwa rya Montella rije rikurikira ubutumwa yari yashyize ku mbuga nkoranyambaga ze zavugagako ari ibyagaciro kanini gutoza ikipe nka Ac Milan none budakeye kabiri ahise ahambirizwa.

AC Milan yatwaye ibikombe bya shampiyona 18 ikaba yaranatwaye ibikombye by’uburaya inshuro 7 ( European champions), ntiyigeze irangiza irangiza mu makipe ya atatu ya mbere ku rutonde rwa shampiyona kuva mu mwaka wa 2013.

Iyi kipe yakomeje kutitwara neza yakoresheje miliyoni 205 z’amayelo mu kugura abakinnyi kuva umuherwe wo mu bushinwa  Li Yonghong  yafata inshingano zose muri iyi kipe.