Abarenga 29 bishwe n’abagizi ba nabi muri Burkina Faso
Ubuyobizi bw’Igihugu cya Burkina Faso bwatangaje ko abantu barenga 29, aribo bamaze guhitanwa n’ibitero byagabwe n’abagizi banabi biraye mu baturage bitwaje intwaro.
Ibi bitero yagabwe kuri aba baturage mu mpera z’icyumweru gishize.
Ku wa Gatandatu hari ikamyo yarimo abisasu yashowe mu baturage yicamo 15 icyarimwe. Byabereye mu Ntara ya Sanmatenga iri mu Majyaruguru yo hagati.
Ku rundi ruhande hari abandi basivili 14 baguye mu gitero biciwe mu gace ka Dablo-Kelbo mu Majyaruguru.
Ibitero by’abiyahuzi bimaze kwica abantu 500 bikura abagera kuri 280.000 mu byabo. Aba bantu bapfuye guhera muri 2015.
Muri iki gihugu kandi taliki 05, Nzeri, 2019 hari abandi bantu batandatu biciwe mu gace ka Soum.
Mu ntangiriro za Nzeri kandi hari abasirikare ba Burkina Faso bagera kuri 24 biciwe mu gico bari batezwemo ubwo bari bagiye mu kazi mu gace k’Amajyaruguru ya Ouagadougou mu murwa mukuru.
Source : Voanews.com
