Abakobwa b’impanga bavutse bafatanye bafite igitsina kimwe ariko umwe niwe ufite umukunzi [AMAFOTO]

Impanga zavutse zifatanye, Lupita na Carmen Andrade,b’imyaka 22 baherutse kuvuga ku kuntu bimera kuba baravutse bafatanye ndetse no kuba batumva kimwe ibyo gukundana ndetse n’ibindi.

Izi mpanga zavukiye muri Mexico ariko zikurira i Connecticut muri Amerika, zisangiye igihimba, uburyo bw’imyororokere, umwijima n’amaraso. Buri wese afite ukuguru kumwe; Carmen agenzura iburyo,nkuko babitangarije Today.com

Carmen yagize ati: “Ntabwo ari nk’umukororombya n’izuba. Twagize ibibazo byinshi, ariko dufite ubuzima bwiza.

Tujya muri sinema no mu bitaramo [dusangira intebe imwe] kandi tugenda mu ndege.”

Basobanuye ko batigeze bagerageza kubagwa babatandukanya, kuko bishobora guhitana umwe cyangwa bombi.

Bakiri bato, bahawe ubuvuzi bw’ingingo kugira ngo bamenye kwicara no gukoresha amaguru – bateye intambwe ya mbere bafite imyaka 4.

Ariko ku bijyanye no gukundana, bafite imyumvire itandukanye – Carmen afite umukunzi witwa Daniel, mu gihe Lupita adakunda ibyo guhuza ibitsina.

Yatangarije ikinyamakuru ati: “Ntabwo nigeze ngerageza guhisha ko ndi impanga ifatanye n’indi, bivuze ko nabonye ubutumwa bwinshi ku basore bafite irari”.

Carmen wahuye n’umukunzi we ku rubuga rwo gukundaniraho Hinge mu Kwakira 2020,avuga ko atamubajije ikibazo kijyanye no kuba impanga zifatanye kugira ngo batangire ibiganiro byabo.

Nubwo we na Daniel bakundana, Carmen yavuze ko badakunda imibonano mpuzabitsina. Mu kiganiro umwaka ushize yagiranye na Jubilee, yavuze ko ubucuti bwabo ari “ubucuti bwa hafi.”

Bombi baganiriye ku gushyingiranwa ejo hazaza, ariko bashaka kubanza kubana.

Yongeyeho ati: “Njye na Daniel dukunda abana, ariko ntidushaka kubyarana.Nkunda kuba mama w’imbwa! njye na Lupita ntidushobora gusama, dufite endometriosis [uburwayi]kandi twatewe ibihagarika imisemburo bitubuza kujya mu mihango. ”
Nubwo Lupita adakundana na Daniel, Carmen avuga ko bombi babanye “neza.”

Carmen yagize ati: “Birasekeje ko ndyama nyuma ya Lupita, ariko iyo Daniel asinziriye, nsinzira vuba – kandi akunda kuganira na we.”

Yakomeje agira ati: “Rimwe na rimwe numva merewe nabi kuko nshaka kumarana igihe kinini na Daniel. Turagerageza rero kuzana ubwumvikane. Nkawe, [Lupita] ahitamo aho tujya gusangirira, cyangwa igikorwa tugiye gukora. ”

Ariko nubwo bashobora gutandukana mu byerekeye urukundo, barahuza cyane mu bindi bice byinshi, nk’ibyifuzo byabo by’akazi. Bombi bifuza gukora mu buvuzi bw’amatungo, kandi Lupita afite ibyiringiro byo kuzaba umwanditsi w’urwenya.

Carmen yasobanuye ko we na Lupita bafite imyumvire imwe mu myambarire kandi ko umwe mu baturanyi babo yagiye adoda imyenda yabo kuva bafite imyaka 5.

Ariko, izi mpanga zishyiraho umwete wo kugerageza kugira isura yihariye buri wese – urugero, Carmen yishyize impeta mu izuru.

Bombi bashobora kumenya ibyiyumvo bisanzwe by’undi.

Lupita yagize ati: “Ndabyumva igihe Carmen ahangayitse cyangwa ari hafi kurira. Ati: “Nibyo guta igifu kimwe.”

Aba bombi ngo ntabwo bajya barambirwa kubana ndetse ngo ntibakora imirimo imwe kuko umwe ashobora gukora umukoro wo ku ishuri undi ari kumva umuziki.