30 bagomba kuvamo uzegukana Ballon d’Or 2021 bamenyekanye

09/10/2021 Kwizera Robby

Ikinyamakuru France Football cyashyize ahagaragara urutonde rw’abakinnyi 30 bagomba gutoranywamo uzegukana igihembo cya Ballon d’Or ya 2021.

Ballon d’Or y’uyu mwaka izatangwa tariki ya 29 Ugushyingo, mu gihe iy’umwaka ushize itatanzwe kubera icyorezo cya COVID-19.

Kuri iyi nshuro iki gihembo kigiye gutangwa mu gihe nta mukandida uhabwa amahirwe menshi yo kucyegukana, bijyanye no kuba abarimo Lionel Messi, Cristiano Ronaldo, Robert Lewandowski, N’golo Kanté na Jorginho buri wese afite impamvu zatuma ahabwa kiriya gihembo.

Cyakora cyo Messi asa n’uyoboye bagenzi be nyuma yo kugira umwaka mwiza ari kumwe na FC Barcelona ndetse n’ikipe y’Igihugu ya Argentine yahesheje Copa America, ariko nanone Jorginho amuri hafi nyuma yo gutwara UEFA Champions league ari kumwe na Chelsea cyo kimwe na Euro yatwaranye n’u Butaliyani.

Lewandowski wahabwaga amahirwe yo kwegukana igihembo kitatanzwe umwaka ushize na we arahabwa amahirwe yo kwegukana icy’uyu mwaka, nyuma yo guca agahigo ka Gerd Muller ko gutsinda ibitego byinshi mu mwaka umwe w’imikino wa Bundesliga.

Gianluigi Donnarumma (PSG)

Leonardo Bonucci (Juventus)

Giorgio Chiellini (Juventus)

Simon Kjær (AC Milan)

Cesar Azpilicueta (Chelsea)

Ruben Dias (Manchester City)

N’Golo Kante (Chelsea)

Mason Mount (Chelsea)

Nicolo Barella (Inter Milan)

Bruno Fernandes (Manchester United)

Pedri (Barcelona)

Luka Modric (Real Madrid)

Kevin de Bruyne (Manchester City)

Jorginho (Chelsea)

Phil Foden (Manchester City)

Riyad Mahrez (Manchester City)

Erling Haaland (Borussia Dortmund)

Harry Kane (Tottenham)

Karim Benzema (Real Madrid)

Raheem Sterling (Manchester City)

Lionel Messi (PSG)

Neymar (PSG)

Lautaro Martinez (Inter Milan)

Robert Lewandowski (Bayern Munich)

Mohamed Salah (Liverpool)

Romelu Lukaku (Chelsea)

Cristiano Ronaldo (Manchester United)

Kylian Mbappe (PSG)

Gerard Moreno (Villarreal)

Luis Suarez (Atletico Madrid)

Share on Facebook